جميل عبدالأحد
الايجابيات
- لعبة ألغاز جت في وقت نعاني فيه من نقص شديد في هذه النوعية من الألعاب.
- قصة تعطي حياة و مشاعر لمجموعة من الأشكال الهندسية و لكل شكل هندسي أسم و شخصية و قدرات مختلفة عن الثاني، لازم يتعاونون عشان يوصلون لأهدافهم.
- لعبة تثبت أنك ما تحتاج رسوم قوية عشان تنتج لعبة جميلة، أفكار جديدة و مبتكرة مع قصة و صوت الراوي للقصة يذكرني بصوت wheatley من Portal 2.
- الموسيقى الإلكترونية أغلب الوقت ممتازة، بس بعض المراحل الموسيقى تجيب لك النوم أو حتى تجيب الصداع.
- دعم ميزة الـCross Buy (تشتري نسخة وحدة تشتغل على الفيتا والبلايستيشن)، وميزة الـCross Save بين الفيتا و البلايستيشن (تستخدم نفس التخزين بين الجهازين)، و اللعبة مجانية لأصحاب Playstation Plus السعودي و الأوروبي!
السلبيات
- الألغاز سهلة بزيادة، نادراً ما لقيت نفسي أخذ أكثر من كم ثانية عشان اعرف الحل، و اغلب الوقت تحل الألغاز بدون ما تفكر يعني تحسها أشياء بديهية.
- مع سهولة الألغاز إلا انهم يكررونها بشكل مزعج (ترى يا “مطور اللعبة” حكاية أني أرتب الأشكال الهندسية بحيث ان الصغير يقفز فوق الكبير عشان يوصل مكان أبعد ما عاد صار لغز.. تراك ذليتنا)
- اللعبة تصير رهيبة جداً على الربع الأخير، لكن اللي قبل كذه تكون اللعبة ماشية على نمط بطيء جداً لدرجة اني شعرت ان ثلاث ارباع اللعبة مرحلة تدريبية يجهزونك للربع الأخير.
- عمر اللعبة قصير، بعد التختيم مافي سبب ترجع و تبحث عن أشياء سرية مثلا. ودي لو حطوا طور تحدّي (Challenge mode).
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
لعبة كان فعلا ودي اني أستمتع فيها أكثر من كذه، كانت اللعبة فيها إمكانيات انها تصير رهيبة جداً لو لا التكرار و السهولة الزايدة. لكن يظل انها مجانية لأصحاب البلايستيشن بلس و ايضاً هي من العاب الالغاز القليلة في هذا الوقت.
ألعاب مشابهة
- Braid
فيديو اللعبة
عصام الشهوان
Saudi Gamer
سندس الخباز
احمد خالد