وش سالفة اللعبة
لعبة تحقيق باسلوب القصص التفاعلية، تلعب فيها بدور المحقّق بيق بي (Bigby) في عالم خيالي شخصياته كلها من الخرافات القديمة مثل سنو وايت، الأميرة والذئب، وغيرهم ولكن بشكل واقعي أكثر ومظلم.
تقدر تقرا تقييما للحلقة الأولى و للثانية و الثالثة و الرابعة.
معلومات اللعبة
الناشر: Telltale Games
المطور: Telltale Games
تاريخ الإصدار: 07/08/2014
التصنيف العمري: PEGI 18+
عمر اللعبة: ساعتين (تقريبي)
الأجهزة الخاصة باللعبة: Xbox 360, PS3, PC (جهاز التقييم), iOS
تحتاج إنجليزي؟: تحتاج
الايجابيات
- حلقة تحمّسك من اول دقيقة لآخر دقيقة فيها.
- عدة مقاطع أكشن سريعة وممتعة باخراج وتنفيذ رهيب.
- مفاجآت كبيرة على مستوى بعض الشخصيات، أشياء ما كنت تتوقع تصير أبداً.
- حلقة مليانه قرارات صعبة ومصيرية، لازم تكون حذر في كل شي تختاره عشان ما تجيب العيد.
- مشهد المواجهه الأخيرة في القصّة من أقوى المشاهد اللي مرت علي من فترة طويلة! خلصته وانا واقف من كثر ما خلوني على أعصابي.
- قراراتك الماضية تأثيرها واضح وبشكل كبير في هذي الحلقة، وغالباً راح تندم على بعضها (أو يمكن كلها!).
السلبيات
- هوية القاتل يكشفونها في بداية الحلقة وبشكل بارد جداً وكأنه شي ثانوي.
- غياب عناصر الاستكشاف والتحقيق الهاديء بشكل كبير من الحلقة.
- تأخير واضح في تغيير زواية الكاميرا في مشاهد الأكشن، عيب اشتهرت فيه ألعاب هالشركة للأسف.
- نهاية اللعبة فيها معلومة مهمّة وقوية جداً لكن للأسف تم تقديمها بشكل مبهم وغير مفهوم الا اذا كنت مركّز مره وتتذكر احداث اللعبة بشكل ممتاز.
- نهاية الحلقة يعطونك تشويقه ثم يقولون لك كمّل القصّة في القصص المصوّرة! لا يا شيخ؟ مافيه موسم ثاني يعني ولا كيف؟ واذا مافيه ليش يعلقوننا كذا؟
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
شركة Telltale Games أبدعت وقدّمت لنا وحدة من أفضل وأميز القصص اللي شفناها خلال السنوات الماضية. الحلقات الماضية عانت من بعض البرود، لكن الحلقة الأخيرة يقدمون أفضل ما عندهم ويستهلكون مشاعرك وأعصابك من البداية الى النهاية، خاصة المشهد المواجهة الأخيرة اللي برأيي كان مشهد عبقري وغير متوقع نهائياً. اذا كان عندك خلفية عن قصص الخرافات (سنو وايت، الجميلة والذئب وغيرها) فهذي بتعطيك تجربها ما تنساها.
ألعاب مشابهة
- The Walking Dead
- Heavy Rain
فيديو اللعبة
