وش سالفة اللعبة
الحلقة الخامسة والأخيرة من الموسم الثاني للعبة The Walking Dead، وهي لعبة مقسومة الى خمس حلقات تنزل في فترات معيّنة، فيها قصّة تفاعلية في عالم أصابه وباء الزومبي وصاروا الباقين في العالم يبغون يسوون شي واحد فقط: البقاء على قيد الحياة. في هذي اللعبة تختار قرارات، القرارات هذي تؤثّر على مجرى الأحداث في اللعبة. طريقة اللعب بسيطة جداً وهي Point and Click أو تؤشر على مكان معيّن وتضغط عليه بحيث تروح له الشخصية. غالباً بتلقى نفسك تسولف مع الشخصيات الموجودة في اللعبة وتختار قرارات، أو انك تلعب بالشخصية بحيث تحل ألغاز بسيطة.
معلومات اللعبة
الايجابيات
- الكثير من الأحداث المصيرية اللي تخليك تفكر قبل تتخذ قرارك.
- الكثير من اللقطات العاطفية اللي كنت أنتظرها من زمان.
- أخيرًا ربطوا بعض الأشياء اللي كانت تحتاج لشرح.
- نهاية عاطفية من الطراز الأسطوري، بالاضافة الى انها فتحت باب -بشكل ممتاز- للموسم الجاي.
- بعض اللقطات كانت ذكية ومحبوكه بطريقة مدروسة.
السلبيات
- مثل أكثر الحلقات، فيه أجزاء من الحلقة كانت باردة لدرجة خلتني أطفش منها.
- شخصيات اختفت بشكل غريب، وكأنهم مسوينها بالعاني عشان يرجعونهم في المواسم الجاية.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
هذي أفضل حلقة في الموسم الثاني. الموسم الثاني عانى من بعض الهبوط في كثير من الحلقات، لكنه انتهى بحلقة ممتازة. بعض المشاهد تتفرج عليها وأنت تحك راسك من الحبكات العبقرية اللي تشوفها، وقليل منها تتساءل ليش حطوه. أقدر أتصوّر الكثير من اللاعبين يقولون ان نهاية الموسم الأول كانت أفضل بكثير من نهاية الموسم الثاني، لكن هذا الشي ماراح يقلل من قيمة النهاية العاطفية العظيمة اللي شفتها في الموسم الثاني، على الأقل بالنسبة لي.
ألعاب مشابهة
- The Wolf Among Us
- Heavy Rain
فيديو اللعبة
تحذير: الفيديو يحتوي على لقطات من الحلقات الماضية، اذا ما لعبت الموسم الثاني، لا تشوف العرض عشان ما يخرب عليك الأحداث.
