وش سالفة اللعبة
لعبة تصويب (من منظور الشخص الثالث) مبنية احداثها في لندن عام 1886. ومع انها تصنّف كلعبة تصويب، الا انها تميل لعنصر القصة او الرواية بشكل أكبر.
معلومات اللعبة
الايجابيات
- جرافيكس ومؤثرات مرئية بمستوى عالي جداً يسحر العين.
- تمثيل واداء صوتي ممتازين من جميع الشخصيات.
السلبيات
- قصة مملة، حتى بعد ما يكشفون لك أسرارها في النهاية. والشخصيات وجدت صعوبة كبيرة في اني اهتم بأي أحد منهم من كثر ماهم سطحيين.
- طريقة اللعب بدائية جداً ومافيه تنوّع كافي في الاعداء يجبرك تفكّر خلال اللعب، مجرد امشي واطلق على اي واحد يطلع لك. في البداية ممتع، بس مع الوقت يصير ممل ومكرر. حتى الوحوش اللي تحاربهم ما تواجههم الا قليل، وطريقة قتالهم روتينيه ومافيها حماس.
- الاعتماد بشكل كبير على Quick Time Events، او الحركه اللي يوقفون فيها الشاشه ويطلبون منك تضغط أزرار معيّنة بسرعة.
- مراحل التخفّي في اللعبة ترفع الضغط. مافيه اي مجال تصحّح وضعك اذا انتبه لك الجندي. في اللحظة اللي ينتبه لك فيها الجندي يقتلك بطلقه وحده. شي مستفز جداً خاصة اذا انتبه لك واحد ما تدري عنه اصلاً.
- طور القصة 10 ساعات تقريباً. ما اشوفها مشكلة، لكن المشكلة انه مافيه شي يحمّسك تعيده من جديد. ومافيه أي شي ثاني في اللعبة ممكن تقضي وقتك فيه غير طور القصة.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
من الآخر، لولا جودة الجرافيكس والتمثيل، كان صارت اللعبة "ابو كلب". التجربة السينمائية في اللعبة والجرافيكس الخرافي يخليها شي لازم تجربة و "تكحل عينك" فيه، لانها جداً مميّزة من هالناحية. اشترها مستعلمة أفضل.
ألعاب مشابهة
- Gears of War (من ناحية طريقة اللعب)
فيديو اللعبة
