Item: تقييم: Splinter Cell: Blacklist
Rating: 1
Author: مشهور الدبيان

صوّت للعبة

Rating: 3.7/5. From 3 votes.

Please wait...

blacklist

الايجابيات

لعبة تجسّس فاخرة جداً. اسلوب التخفّي في اللعب، والاغتيالات السلسة اللي تسويها عالماشي، والطرق الكثيرة اللي تقدر تستخدمها عشان تتخلّص من الاعداء بدون ما يحسّون فيك، كل هالاشياء وأكثر تخليها أفضل لعبة تخفّي واقعية لعبتها حتى الآن من ناحية اللعب.
تقدر تنهي اللعبة كاملة بأي أسلوب تبي. تقدر تتخفّى من بدايتها لنهايتها بدون ما يجبرونك على الآكشن، وتقدر “تدرعم” بالاسلحة الثقيلة والقنابل بأسلوب لعب مختلف تماماً، وهالشي يخليك تبي تعيد اللعبة مرتين على الأقل عشان تجرّب كل الطرق والأساليب المتاحة.
الطور التعاوني (co-op) فيه متعه خرافيه لعشّاق التخفّي، بشرط انك تلعب مع واحد تقدر تتفاهم معه.
تحكّم سلس ومتقن، ونظام سهل لتغيير الأسلحة والأدوات على الطاير.
موسيقى ممتعة وحماسيّة تساعد في زيادة التوتّر في حال كنت تتخفّى، وتساعد في زيادة الحماس في حال كنت تركض وتطلع عالكل.

السلبيات

قصة سامجة وحوارات أسمج، تحس انك تتفرّج على فلم تجسّس تجاري. فيه لحظات في الحوار يقالهم يبون يخلونها مليان حماس ودراما بس طلعت تضحّك. والبطل الله يهديه يبي يسوّي نفسه رهيب بس مب عارف شلون.
على الرغم من أنه فيه تطويرات وتعديلات وأسلحة كثيرة تقدر تشتريها لشخصيتك (بفلوس اللعبة)، الا ان الفلوس اللي تجيك بعد كل مهمة كثيرة مرة بتخليك تشتري أغلب الاشياء اللي تحتاجها بدري في اللعبة، وتستمر باقي اللعبه على أغلب الأغرض اللي شريتها من بدري بدون تعديل أو تبديل.
الأدوات اللي تقدر تشيلها معك في كل مهمّة كثيرة لدرجة ان بعض المناطق تقدر تعدّيها في ثواني حتى لو فيها جنود كثير. المشكلة انه بيكون عندك ادوات تخدير عن بعد تعطيك نفس النقاط اللي بتاخذها لو خدّرت الجندي بيدك، وش الفايدة؟ المفروض كل ما بذلت جهد أكبر آخذ نقاط أكثر!
طور الأونلاين التنافسي (Spies vs Mercs) ممتع، لكنه غير متوازن أبداً. بتحتاج تلعب لك كم ساعة تتصفّق فيها كثير لين تبدا توصل مستويات أعلى تنافس الآخرين ويصير عندك أدوات أكثر وتنسجم مع أسلوب اللعب وتفهم له زين.
فيه مراحل يجبرونك تلعب بمنظور الشخص الأول زي ألعاب التصويب! صحيح انها قليلة جداً (ما اذكر كم بالضبط يمكن ثنتين او ثلاث)، لكنها تطلعك من جو اللعبة اللي تعوّدت عليه بشكل سلبي.

التقييم النهائي

ابو كلب
تمشي الحال
ممتعة
ممتازة
اسطورية

الزبدة

اذا كنت تحب ألعاب التجسّس وتمخمخ عليها، فهذي لعبة تدخل المحل وانت تسوي سحبة مايكل على ورا وتشتريها وانت مغمّض. صحيح ممكن تشتريها عشان تلعبها بأسلوب أكشن بدال تخفّي، بس بتصير كأنك واحد يشتري شنطة نسائية عشان يشيل اغراضة. صدق بتأدي الغرض، بس هالشي ما راح يخليها شنطة رجالية.