الايجابيات
- تقديم جميل ورايق للعبة. استمتعت كثير بالموسيقى المحيطية وأصوات المطر وطريقة عرض الكلام على الجدران بطريقة فنيّة.
- تجربة تختلف عن الألعاب المعتادة من ناحية طريقة اللعب. كل شوي توقّف في مكان وتفكر: كيف أوصل للمكان اللي ابغاه؟ غير كذا، انت ما تقدر تضرب، فلازم تحسب حساب انك بتختبي في كل مرة تشوف فيها أعداء.
- طريقة تحكّم سهلة وفي متناول اللاعب. مافيه أشياء تحتاج شرح، كل اللي بتسويه في اللعبة: اركض، تسلّق، دف أو اسحب شي على الأرض.
- ألغاز قليلة وبسيطة وسهلة. كأن اللي سوّا اللعبة عارف ان اللاعب الحديث ما عنده صبر مثل اللاعب الكلاسيكي.
السلبيات
- تكرار مخيف في اللعبة من جميع النواحي، سواءً تكرار في تصميم المراحل او الألغاز وحتى الموسيقى اللي تسمعها. فعلياً استمتعت بأول ساعتين، الباقي كان عبارة عن نسخ ولصق.
- اللعبة قصيرة، ولا فيها شي يسوى انك تعيدها. بعد ما انتهيت منها قالوا ان فيه أشياء يمديني أطلعها، لكن ما أتوقع بأرجع عشانها أبداً.
- قصة ركيكة جداً. اذا شفت دعايات اللعبة بتعطيك فكرة ان القصة غامضة وانك تبي تعرفها، لكن اذا خلصتها غالباً راح تصاب باحباط.
- على ان الاخراج فنّي، الا انه بعض الأحيان يشطح بشكل يؤثر على التجربة بشكل سلبي. كثير من المرات ألاحظ الكاميرا معلقينها في آخر مكان أو أعلى مكان ممكن، فنيّاً شكلها جميل لكنها ما تخدم طريقة اللعب.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
تجربة مختلفة، رايقة في البداية لكن بعد ساعتين او ثلاث تبدأ تطفش بسبب عدم التجديد. بعد ما خلصت اللعبة، قالوا ان فيه أشياء جديدة أعيد اللعبة عشانها، لكن ما أتصور اني بأرجع ألعبها لا الحين ولا بعدين.
ألعاب مشابهة
- ICO – من ناحية المناقز (platforming) وحل الألغاز البسيطة، بالاضافة الى ان معك بنت في اللعبة تساعدها.
فيديو اللعبة
