الايجابيات
- أجواء اللعبة ساحرة بكل ما تعنيه الكلمة من معنى، نادر جداً تلقى لعبة تسحر اللاعبين الى هذا الحد. رسومات تسحر العين من جمالها الباهر، أسلوب رسم الشخصيات، أسلوب رسم العوالم والمراحل
- الموسيقى التصويرية، بكل اختصار، من أفضل المقاطع الموسيقية اللي بتسمعها في هذا الجيل. مافيه لغة تقدر تعبر عن مدى اعجابي بالموسيقى اللي سمعتها في اللعبة.
- العمق الكبير والنادر في الكائنات “Familiars” اللي تستخدمها في القتال. عندك أنواع كائنات كل وحدة منها يختلف عن الثاني في كل شي. يختلف عنه في طريقة القتال، وطريقة التطوير، وطريقة الدفاع، حتى الدروع والأسلحة تختلف من كائن الى آخر. بتاخذ وقت طويل وتستمتع كثير وانت تنوع ما بين الكائنات واختيار الانسب منها للقتال.
- شخصيات رائعة جداً. شخصيات ما فيها تكلّف كبير وبعضها طريف وفكاهي جداً، ما أظن فيه أحد لعب اللعبة ولا ضحك على شخصية Drippy.
- اللعبة مفتوحة لك بكاملها، تتمشى فيها على كيفك وتروح أي مكان تبغاه. حرفياً، تقدر ترجع لأول مكان في اللعبة الى آخر مكان فيها. من ميزات هذا انك تقدر ترجع لأي مهمة جانبية أو شخصية أو أي شي في أي لحظة.
- طريقة تعليم اللاعب على اللعبة بشكل بطيء بحيث أي لاعب يمديه يستوعب اللعبة. كثيرين سألوني وقالوا ان مالهم آر بي جي وهل هذي اللعبة مناسبة اني أدخل فيها لعالم الآر بي جي؟ جوابي هو: نعم. هذي اللعبة هي بدايتك المناسبة.
- توازن ممتاز ما بين العروض واللعب. تذكرون فاينال فانتسي 13 والعروض الطويلة اللي فيها؟ أو Fallout 3 اللي ما فيها الا عرض واحد فقط؟ نينو كوني جابتها بين هذي اللعبتين. ما تحس ان فيه عروض طويلة، ولا نقص في العروض.
السلبيات
- كثرة المحادثات النصيّة. بتقرا مئات (ايه مئات، متأكد منها) السطور من المحادثات المكتوبة واللي تم وضعها بدون تمثيل صوتي. يمكن البعض يجادل ويقول ان هذا آر بي جي ياباني كلاسيكي، لكن ما أعتقد ان هذا قرار في محله.
- الذكاء الاصطناعي الغريب للشخصيات اللي معك أثناء القتال. بعد ما تمشي في اللعبة “تحديداً فوق 30 ساعة” بتلاحظ العيوب في الذكاء الاصطناعي للشخصيات اللي معك. يا ما انقهرت من الشخصيات اللي معي وهي تضيع الطاقات السحرية حقتها في هجمات مالها تأثير كبير على الأعداء، أو استخدامها في تقوية الشخصيات وعلاجها في الوقت الغير مناسب أبداً.
- بعض العيوب في طريقة اللعب “Gameplay” ما تلاحظها الا بعد ما تتعمق في اللعبة. عندك مثلاً استخدام بعض الحركات السحرية تتطلب منك انك توقف ولا تتحرك لفترة، خلال الفترة هذي الأعداء يطبون عليك ويضربونك وتنقص قوتك بشكل فظيع وأنت الشي الوحيد اللي تقدر تسويه انك تتفرج على الشخصية وهو رافع العصا السحرية. كثير من المرات مت بسبب هذي الحركة.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
هذي لعبة الآر بي جي اليابانية المنتظرة. كثيرين من اللاعبين يشتاقون لألعاب الآر بي جي اليابانية الكلاسيكية الجميلة، هذي اللعبة هي العلاج الشافي لكل مشتاق لجمال ألعاب هذي الألعاب.
ألعاب مشابهة
- Pokemon
فيديو اللعبة
