جميل عبدالأحد
الايجابيات
- أسلوب اللعبة و طريقة التحكم ممتع و أي شخص يمسك يد التحكم راح يشعر بسلاسة القيادة مع مجال للتعمق في طريقة التفحيط و سحب البريكات في المنعطفات (على عكس Gran Turismo ياخذ وقت على المبتدئ إتقان و فهم الأساسيات)
- مدينة كبيرة و مفتوحة و جميلة تقود سيارتك في شوارعها و تكتشف أسرارها و خفاياها مثل المصانع و القيادة في المجاري أو مجرى السيل أو الميناء و غيرها الكثير. حتى بعض السباقات تخرجك عن الشوارع أحيانا و تجد نفسك تتسابق في سكة القطار.
- واجهة الإسخدام الجذابة و سهلة الاستخدام تسمح لك بالقيام بمهام كثيرة مثل تغيير السيارة أو تختار وتبدأ السباق اللي تبيه بدون ما تحتاج تخرج من شاشة اللعبة نفسها (يعني تقدر تقوم بالمهام و انت تسوق السيارة في وقت واحد)
- كل سيارة تاخذها لها عدة تحديات مثل أنواع سباقات مختلفة، تضييع الشرطة و غيرها، بعد ما تفوز في التحدي تكسب قطع لتطوير سيارتك مثل البودي و كفرات و جربوكسات و تيربو.
- اللعبة تقدم تحدي فعلي في السباقات المتقدمة بحيث انك تضطر تعيد السباق عدة مرات و تحاول تطور أسلوبك و تحفظ الطريق. كما ان اللعبة تقارنك مع اصدقائك في كل الأوقات اللي تسجلها يعني تشوف مراكزهم مقارنة معك في السرعة و القفزات و حتى السيارة اللي استخدموها و انواع التطويرات اللي كانت معهم.
- الإبداع في الإخراج السينمائي الغير معتاد في هذه النوعية من الألعاب، فكل سباق تبدأ فيه تجيك مقدمة سينمائية تشد الإنتباه و كل سباق مقطعه يختلف عن اللي قبله فما تحس بتكرار هذه المقاطع.
- بعد تجميع عدد كافي من النقاط يتاح لك الفرصة انك تتحدى أحد سيارات الـ Most Wanted في سباق و إذا هزمته و بعدها قدرت تصدمه تأخذ سيارته، و تحاول تجمع نقاط زيادة لتتحدى الـ Most Wanted اللي بعده, تقدر تقول انهم بمثابة رؤساء في اللعبة.
- طور الأونلاين ممتع جدا تقدر تجتمع مع اصحابك أو تدخل مع ناس عشوائيين و تنافسوا بعض في مجموعة تحديات مثل مين يقفز اعلى قفزة أو مين يوصل لنقطة معينة صعب الوصول لها أو المفضل لدي Team Race اللي هو سباق فريقين و الفريق اللي يجيب أعلى المراكز يفوز في السباق.
السلبيات
- الحصول على السيارات سهل بزيادة. ما عليك غير انك تشوف السيارة في الشارع و تاخذها، العيب في هذا انك تحصل على سيارات قوية من البداية و ما عاد تحتاج تستخدم باقي السيارات الأضعف فما تحس انك تطورت و راح تستخدم السيارة نفسها أغلب الوقت. طبعا هذا لا يشمل سيارات الـMost wanted.
- لا يمكنك التعديل على شكل و مظهر السيارات مثل إختيار لونك المفضل أو إضافة تصاميم أو رسوم أو زخارف أو حتى ملصقات. يعني مافي شي راح يميز سيارتك عن سيارة أي شخص اخر في اللعبة. أكثر شي تقدر تسويه انك تدخل الورشة و راح يتغير لون السيارة بشكل عشوائي و إحتمال اللون اللي يجيك يكون بشع.
- التكرار في التحديات لأن أي سيارة تاخذها راح تضطر تطورها نفس تطويرات السيارات الاخرى فبعد فترة راح تشعر بأنك تكرر نفس الشي لكل السيارات و لو أختلف خريطة و مكان السباق إلا انه لنفس الأسباب و لنفس القطع.
- عنصر مطاردة الشرطة لك في البداية شيء ممتع أول 10 مطاردات بس بعدها يصيرون إزعاج لأنك ما تقدر تبدأ سباق إلا بعد ما تضيعهم و تجلس عدة دقائق تلف و تدور في المدينة بس عشان تضييع الشرطة و تبدأ السباق اللي تبيه.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
قرار إنتقال تطوير لعبة Need For Speed الى فريق Criterion كان قرار موفق جداً فحصل هذا الجزء على التغيير و التجديد اللي كان في حاجة له من زمان. مع أن العاب السباق ليس من الأنواع المفضلة لي إلا أني وجدت نفسي منغمس في هذا الجزء، أجوب أنحاء المدينة و أحاول التغلب على الـMost Wanted و المحاولة في الحصول على سياراتهم الفاخرة. و دائما احاول تحطيم الأرقام القياسية اللي سجلوها أصدقائي في سباقاتهم، و لو شعرت بالوحدة دخلت اونلاين و تنافست معهم هناك و لو انهزمت اخرب عليهم اللعبة و اصدم فيهم في كل السباقات الباقية
ألعاب مشابهة
- Burnout Paradise
فيديو اللعبة
عصام الشهوان
Saudi Gamer
سندس الخباز
احمد خالد