تقييم: Medal of Honor: Warfighter

قصة متفككة وغير مترابطة على الاطلاق. أذكر ألعاب ميدال أوف كانت تقدم قصص ممتازة ولكن ماهو هذي المرة.

اللعبة تشكي من الأخطاء التقنية اللي تعيق تجربتك، حتى بعد التحديث حق اطلاق اللعبة. أعداء يطلعون في وجهك من  لا شيء، أصوات اللعبة تنقطع بشكل مزعج جداً، أشوف انفجارات قدامي تصير ولا أسمع لها صوت أبداً، أستخدم الرشاش الثابت Turret Gun ولا أسمع له صوت! (نسخة البلايستيشن 3)

خطّية اللعبة مزعجة. كل اللي تسويه انك تمشي في خط ضيّق وتدخل مكان مغلق ويطلع لك عشر أعداء تذبحهم، وتنتقل للمكان اللي بعده، وهكذا الى نهاية المرحلة.

اقتباس واضح وصريح جداً من Call of Duty: Modern Warfare 2 سواءاً من الشخصيات أو حتى المراحل والأحداث اللي فيها.

ذكاء اصطناعي متواضع جداً. أعتقد لو نسميه غباء اصطناعي بيكون أفضل.

جرافيكس الأونلاين متواضع جداً وغير مقبول، خصوصاً بعد ما تشوف الفرق بينه وبين الجرافيكس في طور القصة.

أونلاين خالي من الحماس بشكل كامل، الشي الوحيد الجديد فيه هو Buddy System اللي طفشت منه بسرعة. حسيت الأونلاين بشكل عام محاولة فاشلة لتقليد كول أوف دوتي اللهم باستخدام محرك Frostbite 2 الرائع.

حتى الأونلاين ما سلم من الاخطاء التقنية الفظيعة، سويت Respawn بعد ما قتلني واحد من الخصوم ولقيت نفسي ورا الأعداء بالتمام وذبحتهم كلهم، ومرة ثانية سويت ريسبون لقيت نفسي في السحاب وطلع لي عد تنازلي “لازم أرجع للخريطة قصدهم” و لا قدرت أرجع طبعاً لأني عالق في العلالي، وانتهى الوقت وحسبوها علي موته.