التقييمات

تقييم: Infamous: Second Son



Rating: 5.0/5. From 1 vote.
Please wait...

infamous

وش سالفة اللعبة

الجزء الثالث من السلسلة الشهيرة Infamous، وهي لعبة عالم مفتوح (تتمشى بالمدينة براحتك)، وتلعب ببطل عنده قدرات خارقه.

الايجابيات

  • من أجمل الألعاب اللي لعبتها من ناحية الجرافيكس وتصميم المدينة. شي مذهل يخليك توقّف أحياناً تتفرج على المناظر اللي حولك، خاصة فوق المباني.
  • البطل شخصيته رهيبه وتعليقاته تضحّك، قريب جداً من أسلوب بطل انتشارتد (نيثن دريك).
  • قدرات البطل الخارقه مميّزة ورهيبة فكرتها لأنها جديدة، باستثناء القدرة الأولى حقته اللي هي النار (أو الدخان) قد شفناها كثير في ألعاب ثانية. والمؤثرات حقت جميع قدرات بتبهرك بجمالها.
  • سرعة وسهولة التنقّل مع القدرات الجديدة اللي تكتسبها. أسرع بكثير من الأجزاء السابقة.

السلبيات

  •  قصة رديئة تحس حاطينها تمشية حال. تنفع لفلم تجاري رخيص، مو لعبة بهالحجم.
  • مهام جانبية مملّة جداً ومكرّرة ومافيها أي شي يحفّزك انك تخلّصها غير انك تقلل من نسبة سيطرة الاعداء على المدينة.
  • أسلوب القتال في اللعب ممل، خاصة ان الاعداء مو منوّعين بشكل يجبرك على التنويع في الحركات.
  • تقدر ترقّي قدرات لاعبك بسهولة كبيره من بداية اللعبة. القطع اللي تستخدمها للترقيه تلقاها في كل مكان وتقدر تكشف اماكنها على الخريطة بكل سهولة. بتصير قوي مره من أول ساعتين أو ثلاثه في اللعبة.
  • خيارات الخير والشر واضحه بزياده بشكل يقتل متعتها. الألعاب تطوّرت الحين وصارت تخليك تفكّر أكثر في قراراتك، وهاللعبة ما زالت متمسّكة بأسلوبها القديم في عرض خيارات الخير والشر بشكل جداً واضح لك كأنك طفل.
  • لعبة قصيرة جداً بالنسبة للعبة عالم مفتوح. تقدر تخلص القصة في 8 ساعات تقريباً، والمهام الجانبية ما تحمّس أصلاً فما أتوقع بتكمل بعد نهاية القصّة الا اذا تبي تجمع كل شي. تقدر تعيد اللعبة عشان تجرّب الطريق اللي ما اخترته (الخير أو الشر)، بس بتصير أقصر بعد بما انك تعرف كل شي فيها.
  • موسيقى “تسليكيه” ما تضيف أي شي للعبة، ومستواها أضعف من الأجزاء السابقة.


التقييم من الآخر

التقييم النهائي

الزبدة

كشخص استمتع كثير باجزاء Infamous السابقة، كنت أنتظر هالجزء بحماس من اللي اللحظة اللي اعلنوا عنه فيها، لكن للأسف العيوب اللي فيها أحبطتني وقللت من متعة اللعبة بشكل كبير. شخصياً أشوف ان الاجزاء السابقة أفضل. في حال ما لعبتها الاجزاء السابقة فممكن يعجبك هالجزء بما انها بتصير فكرة جديدة كلياً بالنسبة لك، لكن اذا كنت لاعبها فلا تحط توقعات كبيرة للعبة.

ألعاب مشابهة

  • Saints Row IV
  • Prototype 2

فيديو اللعبة



هل ناوي تشتري Infamous: Second Son؟

جاري التحميل ... جاري التحميل ...

معلومات اللعبة

الناشر: Sony Computer Entertainment
المطور: Sucher Punch Productions
تاريخ الإصدار: 2014/03/21
التصنيف العمري: PEGI 16+
عمر اللعبة: 8 ساعات (تقريبي)
تحتاج إنجليزي؟: نص ونص

مشهور الدبيان

مؤسس سعودي جيمر، متخصص في تطوير المواقع والتطبيقات، ومهتم في الذكاء الاصطناعي.
إغلاق