وش سالفة اللعبة
هي محتوى اضافي للعبة inFAMOUS: Second Son. عودة حميدة للصراع بين الخير والشر في مدينة سياتل الجميلة قبل احداث سكند سن، بس هالمره بشخصية فتش Fetch.
معلومات اللعبة
الناشر: Sony Computer Entertainment
المطور: Sucker Punch
تاريخ الإصدار: 08/27/2014
التصنيف العمري: PEGI 16+
عمر اللعبة: 4 ساعات (تقريبي)
الأجهزة الخاصة باللعبة: PS4 (جهاز التقييم)
تحتاج إنجليزي؟: نص ونص
الايجابيات
- الاضافة (أو توسعة Expansion) محبوكة في طريقة التقديم، لأنك تقدر تشتريها لحالها بدون ما يكون عندك اللعبة الأصلية، وبرضه ماتحرق عليك في قصة اللعبة الأصليه لو لسه مالعبتها.
- نسخة مصغرة من سكند صن بس في نفس الوقت مطورة تحس انها اصدار 1.5v.
- القصة فيها مشاهد دارمية مؤثرة بعكس اجواء الاجزاء السابقة اللي يغلب عليها اسلوب الفكاهه والسخرية، وتحس انهم بيجربوا الشئ هذا في طريقة طرح قصة البطلة (فتش)، والنتيجة رهيبة وتفاعليه، والتمثيل الصوتي بصراحة مجنون.
- الرسوم رهيبه ومبهرة زي اللعبة الأصلية، واللي تعد من اقوى رسوم البلايستيشن 4 الى الآن.
- رغم قصر مدة لعب القصة (٤ساعات)، الا انك تقدر تلعب اللعبه بعد ما تخلصها وتستمتع في المهام الجانبية والاطوار الجديدة. فمثلا طور التحديات Challenges يعطي عمر أكبر للعبة وتقدر تجمع نقاط خاصة.(اللي تخليك تشتري التطويرات في قدرات البطلة الخارقة).
السلبيات
- فيها مشاكل تقنية، رغم ندرتها، ولكنها ممكن تخليك تسوي لود لآخر تخزين سواه الجهاز.
- افتقدت التنويع في القدرات الخارقة مقارنة بسكند سن.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
قصة اللعبة تشدك من البداية، والبطلة شخصيتها ممتازة وتمثيلها مجنون وبشكل ملحوظ، اختلافتها من الجزء الأصلي (Second Son) بشكل عام في صالح السلسة بتفوق.
الاضافة تستاهل الشراء، وممكن تكون مدخل ممتاز اذا ما جربت اي جزء رئيسي للعبة، وراح تستمع فيها اكيد خصوصا اذا كنت فان للسلسة.
ألعاب مشابهة
- Prototype 2
- Saints Row IV
