مشهور الدبيان
الايجابيات
- أسلوب لعب بسيط وسريع لدرجة انك اذا مت ما راح تنتظر المرحلة تعيد التحميل، وهذي أحد العناصر “الادمانية” اللي تخليك ما توقف لعب أبد. والتحكّم ممتاز وسريع وسلس (مجرد ما تتعود عليه) ويخدم اللعبة كثير، خاصة شاشة اللمس.
- الجرافيكس الكلاسيكي اللي يذكرني بالجزء الأول من Grand Theft Auto. أسلوب تقديم اللعبة اجمالاً كلاسيكي وكأنها من الثمانينات. شيء رهيب!
- موسيقى خرافية تنشب بالمخ من كثر ماهي حلوة، ومتماشية بشكل ممتاز مع جو اللعبة ورتمها السريع.
- وجود عامل “الأقنعة” اللي يضيف عمق وتغيير في أسلوب اللعب. قبل ما تبدأ كل مرحلة عندك خيار تلبس قناع واحد فقط طوال المرحلة، كل قناع يعطيك قدرة خاصة فيه. كل ما تتقدم في اللعبة كل ما تفك أقنعة زيادة.
- تشتري اللعبة على البلايستيشن 3 أو البلايستيشن فيتا وتحصل عليها في كل الجهازين! وبامكانك توقف لعبك بجهاز وتكمل من المكان اللي وقفت فيه بجهاز ثاني
السلبيات
- قلة عدد المراحل. لعبة بسيطة زي كذا المفروض يكون فيها أكثر من 19 مرحلة. المشكلة حتى بعد ما تخلص اللعبة ما عندك شي تسويه غير تحسين تقييمك في المراحل القديمة.
- قصة سخيفة جداً وحوارات مجرد مضيعة للوقت. لو على الأقل شالوا الحوارات اللي مجرد حشو كلام كان صارت أحسن.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
تجربة رائعة جداً خاصة على البلايستيشن فيتا. من أقوى ألعاب البلايستيشن فيتا إلى الآن في نظري. أتوقع لو فيها مراحل كثيرة (أكثر من 50 مثلاً) فبتستحق تكون "أسطورية" بكل جدارة كلعبة محمول. بالمناسبة اللعبة متوفرة أيضاً على أجهزة البي سي والماك وحتى اللينكس! ولعبة صغيرة حجماً وما تتطلب الا امكانيات بسيطة للجهاز، يعني ما عندك عذر ما تلعبها.
ألعاب مشابهة
- Grand Theft Auto 1
- Reloaded (على البلايستيشن 1)
فيديو اللعبة
Loading ...
عصام الشهوان
Saudi Gamer
سندس الخباز