جميل عبدالأحد
الايجابيات
- عالم Tyria اللي راح تغامر فيه واسع و فيه مناظر خلابة و متنوعة من اعلى الجبال الثلجية الى اعماق البحار. راح ياخذ وقت طويل حتى تكتشف كل شي في هذا العالم.
- نظام المهمات الجديدة. على عكس العاب الـMMO التقليدية اللي تضطر تكلم الشخصيات في اللعبة و تجمع مهمات و تسويها، في Guild Wars 2 راح تمر على احداث ديناميكية بمجرد اقترابك من اي منطقة تقدر تشارك في هذا الحدث مثل الدخول في معارك أو حماية قرية أو هزيمة رئيس كبير و بعدها تحصد الجوائز.
- عدم وجود إشتراك شهري. يعني تشتري اللعبة أول مرة و بعدها ما تشيل هم.
- الحروب بين السيرفرات حيث يجتمع جيوش ثلاث سيرفرات في خريطة واحدة و يتنافسون من أجل الفوز. و نظام القتال راس براس PVP و فيها بطولات.
- الاستغناء عن الثلاثة تخصصات المعروفة في العاب الـMMO التقليدية اللي هم المعالج”Healer” و راس الحربة “Tank” و مختصين التصقيع “Damage dealer” الان صار كل تخصص يقدر يلعب كل هذه الأدوار في نفس الوقت.
- تقريبا كل شي تسويه في اللعبة يجيك منها مكافأة Exp سواء قتل وحوش او استكشاف اماكن جديدة او حتى تجميع الحطب و هذا يحمسك تسوي انك تسوي كل ذي الاشياء.
- سهولة التنقل بين السيرفرات للعب مع اصدقائك، هذي مشكلة World of warcraft الكبيرة لو صاحبك في سيرفر اوروبي و انت في سيرفر امريكي انسى انك تلعب معه.
السلبيات
- القصة مب شي جبار، تحس بنوع من البرود.
- وجود بعض المشاكل التقنية، واجهت بعض المهمات المعلقة اللي ما قدرت اكملها لهذا السبب. (مع انهم اكيد بيصلحونها مع التحديثات)
- أول مغارة او Dungeon تقدر تدخله على مستوى 30، يعني راح تقضي وقت حتى توصل هذا المستوى و قد يسبب بعض الإحباط. (علما ان اعلى مستوى حاليا هو 80)
- في اشياء كثيرة في اللعبة مالها شرح واضح تضطر انك إما تكتشفها بالصدفة مع الوقت أو تبحث في الانترنت.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
Guild Wars 2 تترك عناصر الـMMO التقليدية و تتجه لأساليب جديدة و أثبتت جدارتها. بدأت اللعبة بداية قوية و هذا يبشر بالخير لأن هذه النوعية من الالعاب تتطور و تزيد محتواها مع التحديثات، أقدر اقول ان هذه لعبة الـMMO الوحيدة في هذا الوقت اللي ممكن تهز عرش World of Warcraft، لكن هز العرش لا يعني إسقاطها عن عرشها.
عبد الله محمد
احمد خالد
Saudi Gamer