الايجابيات
- خاصية التحكم بالجاذبيه (اللي مبنيّه عليها اللعبه) مميزه ومطبقه بشكل ممتاز.
- طريقة حركة الشخصيه اللي تتحكم فيها (الانميشن) وتفاعلها مع الجاذبيه منفذه بشكل رهيب.
- مراحل ضخمه باسلوب العالم المفتوح. تقدر تتمشي بالمدينه واما تكمل المهمه الرئيسيه او تلعب في مهمات جانبية، وفيه اكثر من مدينه باللعبه.
- اسلوب عرض احداث القصه بشكل قصّة مصوّره (كوميك) تقدر تقلبها باصبعك عن طريق لمس الشاشه.
السلبيات
- قصة ابو كلب. شينه وما تستفيد منها شي.
- نظام قتال بدائي. بتلقى نفسك تعتمد على حركتين او ثلاث حركات طول اللعبه.
- الاعداء اشكالهم ممله وعامه، مافيهم اي تفاصيل وما تحس تعبوا فيهم.
- اذا جيت تعيد مهمه جانبيه او تطلع منها بتنتظر فتره توصل 20 ثانيه عشان ينتهي التحميل! مع الوقت بديت اطنش المهام الجانبيه لهالسبب.
- بعض حركات الشخصيه ما تقدر تستخدمها الا عن طريق لمس الشاشه، وهالشي تطبق بشكل غير عملي.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
على الرغم من العيوب الموجوده باللعبه، اللعبه تقدّم فكره جديده ممتعه بتخليك في طور "التسليك" في كثير من الاحيان وما تدقق في عيوبها. بالاضافه الى انه الفيتا داج مافيه العاب واجد عليها الكلام اساساً، وبالتالي هذي لعبه لازم تشتريها اذا عندك فيتا. بس مهيب من الالعاب اللي تشتري فيتا عشانها.
ألعاب مشابهة
- inFAMOUS
- Prototype
فيديو اللعبة
وطبعاً بنتناقش عنها بشكل اوسع واشمل ان شاءالله في الحلقة 156 من البودكاست اللي بتنزل يوم الاحد.
