الايجابيات
- أسلحة خاصة لكل شخصية تميّزها عن باقي الشخصيات، وامكانية الخلط ما بينها بحيث يصير تأثيرها أقوى على العدو كنوع من التشجيع على التعاون.
- بعض المراحل في اللعبة جيّدة من ناحية الجرافيكس والشكل، مثل مراحل الثلوج والغابات.
- بعض الترهات والسخافات في أحداث اللعبة ممكن تكون فكاهيّة بالنسبة لك ولأخوياك.
السلبيات
- تكرار مخيف في طريقة اللعب. حرفياً كل اللي تسويه في اللعبة انك تدخل مكان تلقى قدامك أعداء تذبحهم واحد واحد، اذا خلصتهم يجيك آلي كبير تجلس سنة الين تذبحه، تاخذ سلاحه وتروح للمكان اللي بعده ونفس الشي يصير بالتمام.
- من أسخف قصص الجيل. مجموعة أبطال يبغون ينقذون العالم من سلاح احتمال يدمر كل شي، يا الله!
- حوارات رخيصة جداً، والأسوأ من كذا ان في كل موقف لازم كل شخصية من الشخصيات الأساسية تقول جملة معيّنة. يقالهم ان كل شخصية لازم يكون لها دور وأثر في اللعبة.
- قلّة الأسلحة، كل اللي في اللعبة رشاشين واحد كبير والثاني صغير، وقناصة ومسدس، بالاضافة الى السلاح الأساسي لكل شخصية طبعاً.
- طور Echelon، طور تعاوني المفروض انه يطوّل عمر اللعبة، الا انه ما يقدم أي شي جديد نهائياً.
- صعب جداً تلعبها لحالك، لان اللعبة مصممة للعب مع أخوياك بشكل أساسي، هذا من غير ذكر الذكاء الاصطناعي الغريب للشخصيات اللي معك.
- أخطاء تقنية، كنت أطلع الدرج وجا واحد من الأعداء ومسكني وبقدرة قادر لقينا أنفسنا داخلين وسط الدرج بشكل غريب. أخوياي ما قدروا يساعدوني واضطرينا نعيد اللعبة بسبب الخطأ.
- مجموعة اقتباسات بائسة من ألعاب معروفة، طريقة التسلق والمناقز من أنتشارتد، طريقة الركض بسرعة من جيرز أوف وور، الآليات والأشياء المستقبلية من ميتال جير.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
لعبة عادية جداً، مافيها أي شي جديد نهائياً. اذا لعبت اللعبة لحالك فهي لعبة أبو كلب، واذا لعبتها مع أخوياك احتمال تعطيك شوية متعة وضحك، وهذا الشي الوحيد اللي يشفع لها وأنقذها من انها تاخذ تقييم أبو كلب.
ألعاب مشابهة
- Gears of War
- Binary Domain
فيديو اللعبة
