الايجابيات
- مع انها تصنّف كاضافة للعبة Far Cry 3، الا انها فعلياً لعبة مستقلة بقصتها وعالمها وشخصياتها، وما تتطلّب حتى شراء أو تحميل Far Cry 3. كذا تسووّى الاضافات ولا بلاش!
- أعادة إحياء أجواء الثمانينات بشكل رهيب، موسيقى ثمانينات رهيبة، حوارات سامجة بشكل مقصود، تخيّل مضروب “للمستقبل” (اللي هو 2007 بالمناسبة)، وبعض التلميحات لأفلام وألعاب وحركات من الثمانينات. وفوق كل هذا كمية ضحك ما اذكر اني ضحكتها الا في ألعاب Portal.
- عمر الاضافة الطويل مقابل سعرها. بتدفع 15$ (56 ريال)، وبتاخذ مقابلها ساعات من اللعب. طور القصة اخذ مني حوالي 6 الى 7 ساعات، بس عندك عالم ضخم ومهام جانبية كثر التراب بتقضي وقت طويل عشان تخلصها.
- بطل يتمتّع بنسبة هياط عالية جداً، بتسمع كمية هياط عمرك ما سمعتها من بطل لعبة. وبما انه رجل آلي، فتقدر تنط من أعلى ارتفاع تلقاه وما راح تتأثر.
- اضافة اسلحة جديدة وحيوان شرس جديد (ديناصور)، مع تعديلات على الاعداء والحيوانات.
السلبيات
- عالم اللعبة مظلم وكئيب. في البداية تستمتع فيه، بس تطفش منه بسرعة، خاصة لو كنت مجرّب العالم المبهر اللي في Far Cry 3. ومن كثر ما هو العالم مظلم، مرات أواجه صعوبه في اني أشوف طريقي.
- اضافة الديناصور كانت رهيبة لأنه يضيف تنويع حلو للعب، بس خربوها الله يهديهم في أنهم يخلونه ينفجر كانه بلونة موية بنفسجية اذا قتلته. طيّب خلوه يطيح، خلوه يتقطّع، خلوني احس باني توني قاتل ديناصور بثر مب يختفي فجأه!
- اعداء يعانون من “غباء” صناعي وقتلتهم مافيه أسهل منها، باستثناء الديناصور اللي للأمانه حشرني واجد وقتله فيه تحدّي حلو. المشكلة ان اسلحتك قوية جداً، وكل خطوتين بتلقى لك ذخيرة تعبي لك سلاحك من جديد.
- أفضل طريقة لتجميع الفلوس هي استئصال قلوب الاعداء. المشكلة استئصال كل قلب ياخذ حوالي 3 ثواني. فتخيّل لو تقدر 10 جنود وتبي تاخذ قلوبهم كلهم عشان تكسب فلوس، بتجلس حوالي نص دقيقه عشان تجمعها بس.
- تعليق غريب وعشوائي بين الجمل في العروض. يعني تشوف البطل يتكلم بعدين يوقف لمدة خمس ثواني مثلاً لين تتكلم الشخصية الثانية. تفرّجت على العروض باليوتيوب وما لقيت هالمشكلة موجودة، فيمكن يكون جهازي.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
شف، من الآخر، اذا انولدت في الثمانينات وتقدّر هذيك الفترة، فلازم تشتري هاللعبة وتعيش تجربتها. أما اذا كنت شخص يدوّر لعبة آكشن ومغامرات بس ولا يهمه سالفة الثمانينات، فانصحك تشتري Far Cry 3 بدال هالاضافة، لأنها أمتع بمراحل.
ألعاب مشابهة
- Assassin’s Creed
- Red Dead Redemption
فيديو اللعبة
