وش سالفة اللعبة
لعبة تصويب منظور شخص اول، يلعبها خمس لاعبين، أربعة منهم صيادين، كل صياد له وظيفة خاصة فيه (class) بينما الخامس يلعب بدور الوحش ويكون ضدهم كلهم. مهمة الصيادين انهم يقتلون الوحش عشان يفوزون، بينما الوحش مهمته يقتل الصيادين، او يطوّر نفسه من خلال أكله للحيوانات اللي في المرحلة ويوصل للمستوى الثالث ويددمّر موقع معيّن يعتبر أهم موقع للصيادين، وهو عبارة عن مولد كهرب.
اللعبة مافيها طور قصة، وتعتمد بشكل كامل على الانترنت.
معلومات اللعبة
الايجابيات
- فكرة اللعبة مبتكره ورهيبه جدا.
- تنوع الكلاسات (التصنيفات) باليصيادين. كل كلاس له دور مهم ومخصص له لحاله، لو فشلت بتنفيذه تحتاج معجزه عشان تفوز.
- كل كلاس (تصنيف) فيه ثلاث شخصيات، وكل شخصيه تأدي نفس الدور لكن بأسلوب مختلف ممكن يأثر على تكتيك الفريق كامل.
- الاخطار الي موجوده في البيئه بالاضافة للوحش تخليك حذر بأغلب الوقت، واحيانا تجبر اخوياك يجون يساعدونك.
- نظام التقدم بالمستوى باللعبه ممتاز، ويجبر اللاعب ينوع ويستخدم كل خصائص الشخصيه عشان يفتح الشخصيات الجديده.
- التنوع بالوحوش وقدراتهم يجبر الصيادين يغيرون تكتيكاتهم ويمكن شخصياتهم. بالاضافة طبعا للتغيير بأسلوب اللاعب الي يتحكم بالوحش.
- اللعب بالوحش متغير ومتنوع بنفس المرحله، بالمستوى الاول تلقى نفسك تتهرب من المواجهه قد ماتقدر، والمستوى الثالث تدور الصيادين، ويصير لك هدف تفجره والصيادين يدافعون عنه، يعني انقلاب كامل للموازين.
- رسومات جميله وتصميم اسلحه ممتاز.
السلبيات
- محتوى اللعبه قليل قياسا على لعبة بـ٢٥٠ ريال (٦٠ دولار)
- عشان تستمتع باللعب كصياد، فغالبا بتحتاج اقل شي ٢ معك، والا بتكون اللعبة ممله بالغالب.
- تصميم المراحل عادي جدا، وبلعبه زي هذي بالذات، تصميم المراحل يعتبر شي جوهري ولازم يكون مثالي.
- مع ان الرسومات ممتازه، الا ان تدرج الالوان سيء ومتعب للعيون احيانا.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
اذا تحب العاب التصويب التعاونيه فـEvolve خيار ممتاز جدا، التعاون فيها ممتع جدا. تنوع الشخصيات وفكرة اللعب بالوحش يطولون عمر اللعبة خصوصا اذا كنت تحب تجرب. المشكله الكبرى انك بتحتاج تدور اخويا يلعبون معك، وصعب تتفقون دايم. اذا عندك احد يلعبها معك فما اشوف فيه سبب يمنعك من شرائها.
ألعاب مشابهة
- Left for Dead
فيديو اللعبة
