محمد الشريف
وش سالفة اللعبة
هي لعبة عالم مفتوح منظور شخص أول. عالم اللعبة واحداثها تصير بعد كارثة بشرية، وصار العالم مليء بالزومبيز. طريقة اللعب بشكل أساسي هي انك تحاول تبقى على قيد الحياة في هالعالم الصعب، بحيث تطلع في النهار تسوّي مهمات وفي الليل -على الأقل بداية اللعبة- ترجع لوحدة من المناطق الآمنة. اللعبة غالباً تستخدم الأسلحة اليدويّة كأدوات قتال أساسية في اللعبة، وكل هالأسلحة تنكسر. طريقة التنقّل في اللعبة تستخدم مبدأ حركة باركور (parkour) وهي الحركة السريعة والقفز بشكل متواصل وسريع على المعوقات اللي قدامك.
اللعبة تدعم اللعب التعاوني (co-op) بحيث تقدر تلعب مع اثنين من أصحابك، وعلى عكس كثير من الألعاب التعاونية، تقدرون تلعبون مع بعض حتى المهمات الأساسية باللعبة.
معلومات اللعبة
الايجابيات
- طريقة لعب ممتعة جدًا. عندك عشرات الأشياء اللي تسويها في عالم
- تقدر “تحتل” عالم اللعبة بحيث تدخل أماكن معيّنة وتذبح الزومبيز اللي فيها وتصير لك، تقدر تنام فيها وتغيّر أسلحتك الخ.
- على عكس 99.9% من ألعاب العالم المفتوح، أغلب المهمات الرئيسية ما تتعارض مع عالم اللعبة، بحيث تقدر وفي أي لحظة تترك المهمة الرئيسية وتروح تسوّي مهمات جانبيّة.
- الكثير من الاستهبال على الألعاب الثانية بشكل طريف.
- تقدر تستخدم البيئة اللي حولك في قتال الأعداء، مثل انك تشغل انذار في سيّارة ويجون الزومبيز عندها وتنفجر فيهم.
- القدرات اللي تفكّها جدًا مفيدة، لدرجة اني أحتار وين أحط النقاط الجديدة.
- على ان اللعبة أحداثها في عالم كارثي، الا ان مظهرها جميل. اضاءة اللعبة رائعة وتصميم المدينة جميل.
- التعديلات والاضافات اللي تسويها على الأسلحة رائعة، بحيث تقدر تضيف كهرباء أو نار على الأسلحة اليدويّة وتحتفل في الزومبيز 🙂
- بعض المهمّات الجانبية تطيح فيها بشكل عشوائي وتلقى شخصيّات غريبة مضحكة، تبني منهم قصّة صغيرة جميلة.
السلبيات
- الجزء الثاني من اللعبة (المدينة والقصة) في غاية السوء، استغربت الانحدار الفظيع اللي صار في مستوى اللعبة.
- طريقة التنقّل في الجزء الثاني من المدينة مزعجة، بحيث تنقلب اللعبة من باركور ممتع الى تسلق ممل وبطيء للمباني المرتفعة والطويلة كأنك في أساسينز كريد.
- قصّة ضعيفة وتجاريّة بشكل عام: أنت البطل الأمريكي الرهيب اللي ينقذ الناس والبنت الجميلة من الأشرار… *يتثاوب*
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
لعبة ممتعة بشكل عام، استمتعت بطريقة اللعب والخيارات الكثيرة اللي تقدر تسويها في عالم اللعبة الكارثي والجميل في نفس الوقت. اللعبة تستمر معك بمستوى شبه أسطوري، لكن بعد ما تنتقل للجزء الثاني من المدينة، تسقط اللعبة الى مستوى سيء مره، سواءً من ناحية مهمات أو حتى المدينة نفسها. لكن لا تشيل هم، الجزء الأول من المدينة (أو اللعبة) بتقضي فيه أكثر من نص وقتك مع اللعبة.
ألعاب مشابهة
- Dead Island
- Dead Rising
فيديو اللعبة
Loading ...
عبد الله محمد
احمد خالد
Saudi Gamer
