الايجابيات
- طريقة لعب متنوعة لدرجة تسبب الادمان. هذي اللعبة اللي من جد تلعبها بطريقتك المفضلة، اذا تحب التخفي والتسلل مثلي فهذي بلا شك بتعجبك. واذا تبغى تلعبها بطريقة آكشنية فهي برضو تنلعب بهذي الطريقة ولا تقل من متعتها شي.
- طريقة لعبك محسوبة عليك، اذا تقتل ناس كثير وانت تلعب بتصعب عليك اللعبة وبيكثر عليك عدد الأعداء في المراحل اللي بعدها بالاضافة الى ان النهاية راح تتأثر برضو.
- القوّات Powers اللي تستخدمها في اللعبة مفيدة جداً. اذا تحب التخفي والتسلل فلازم تطور قوّة مثل Possession أو الاستيلاء، وهي قوّة تخليك تتلبس بشكل الحراس وتمشي بينهم كأنك منهم لفترة محدودة. أو تطور قوّة الـBlink أو الومض وهي قوّة تعطيك القدرة على الانتقال من مكان الى آخر بومضة عين. واذا تحب تقاتل وتسوي آكشن فيه عندك قوّات مثل ارسال العواصف تطيّر اللي قدامك أو تطور ضرباتك بحيث انك تزيد الجرعة الدموية اللي فيها.. الميزة هذي فوق الوصف.
- مراحل واسعة وكبيرة وجميلة ومصممة بأفضل شكل ممكن. يمديك توصل للهدف عن طريق عشرات الطرق. تقدر تتسلل من النوافذ والسطوح أو تتلبس شخصية واحد من الحرس أو حتى تتلبس فيران “ايه فيران” وتدخل في الفتحات الصغيرة توصل للهدف أو.. تطلع سيفك ومسدسك وتقتل اللي قدامك.
- نظام الـChaos أو “الفوضى” وهو نظام جديد عبارة عن ردة فعل لسلوكك في اللعبة. اذا قمت بقتل الحراس والناس الأبرياء أثناء اللعب، بتلاحظ ان في المراحل اللي بعدها ان الحراس صار عددهم أكثر، والناس سلوكهم صار شرس وكلامهم يدل عن خوف يعيشون فيه، والفيران صار عددها هائل وموجودة في كل مكان، حتى بعض أحداث القصة راح تختلف! باختصار بتلاحظ ان العالم صار “فوضى”. والعكس صحيح طبعاً، اذا سلوكك في اللعبة مسالم بحيث انك تخدر الحراس بدل ما تذبحهم، فبتلاحظ ان اللعبة سلوكها جيد وان ما فيه فوضى كبيرة في المراحل اللي بعدها.
- في كل مرحلة عندك أشياء تجمعها مثل الـRunes وتعتبر زي العملة تستخدمها في شراء وتطوير قدراتك. اذا تبغى توصل قدرة الومض أو غيرها الى مستوى عالي فلازم تجمع عدد كافي من الرونز عشان تشتري فيها القدرات اللي تبغاها، وهنا تكمن الميزة. عكس بعض الألعاب اللي يقولك اجمع لي أشياء ولا تستفيد منها ولا شي.
السلبيات
- بما ان اللعبة منظور شخص أول وفيها تخفي، عانيت معاناة كبيرة في مراقبة تحركات الحراس أثناء التخفي. في جميع ألعاب التخفي يمديك تختبي ورا جدار وتحرك الكاميرا يمين أو يسار بحيث انك تشوف الحارس وتعرف مكانه. أما هنا للأسف ما تقدر. تقدر تضغط مثلث وتخلي الشخصية تميل لليمين أو اليسار لكنها ما عوضت شي كبير.. الحين فهمت ليه “ديوس اكس” يطلعون الكاميرا الى منظور شخص ثالث اذا اختبيت.
- كعادة ألعاب بيثيزدا، البطل فيها ما يتكلم ولا تسمع صوته في المشاهد، الشي اللي خلاني ما أعطيه أي اهتمام وكان له تأثير سلبي على حماسي مع القصة، عكس الألعاب اللي تعتني اعتناء كبير في اظهار الشخصية الرئيسية.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
اللعبة أخذت طرق القتل الخطيرة من هيتمان، وتجميع الأشياء "طلقات وأسهم وعلاجات وغيرها" من فول آوت، وطريقة لعب فيها من بيوشوك من حيث انك تستخدم يد للضرب بالسيف واليد الثانية تستخدمها لغرض ثاني مثل استخدام القوات اللي عندك، وأماكن واسعة تقدر تستكشف فيها مثل بوردرلاندز. لعبة جمعت كل هذي العناصر الجبارة ووضعتها لك في لعبة لها هويتها الخاصة. نادر جداً تلقى لعبة مثل كذا.
ألعاب مشابهة
- BioShock في طريقة اللعب من حيث انك تستخدم يد للقتال ويد ثانية للقوات اللي حصلت عليها وطورتها.
- Fallout من حيث تجميع الأشياء اللي تلقاها وانت تلعب مثل الطلقات والاسعافات والملفات والأوراق وغيرها. الاستكشاف بشكل عام شبيه فيها.
فيديو اللعبة
