Item: تقييم: Diablo III نسخة PS3
Rating: 1
Author: محمد الشريف

صوّت للعبة

Rating: 5.0/5. From 1 vote.

Please wait...

Untitled-1

الايجابيات

عروض سينمائية… خارقة. متردد هل أقول انها أفضل عروض سينمائية شفتها للآن؟ أخاف أبالغ، لكنها شي استثنائي بكل تأكيد.
طريقة التحكم باليد (controllers) كانت أريح بكثير من لوحة المفاتيح والفارة، خصوصاً في المشي.
أفضل لعبة طور تعاوني (co-op) لعبتها على الاطلاق. تدخل على أخوياك مباشرة وبدون أي تعقيدات مزعجة مثل: لازم ترجع للقائمة الرئيسية عشان يدخلون أخوياك معك، أو يدخل خويك وتلقاه في بداية المرحلة وانت في نهايتها، وغيرها من التعقيدات اللي تعوّدنا عليها في الألعاب التعاونية.
طريقة لعب رائعة تسبب الادمان وانت ما تدري. كل ما ارتفع مستواك في اللعبة أعطوك قدرات وأسلحة جديدة تختلف تماماً عن اللي قبل.
اختلاف كثير من المهمات في المرات اللي تعيد فيها اللعبة، حتى بعض الأماكن يتم تكوينها بشكل عشوائي.
طريقة تدريب اللاعب على طريقة التحكم المعقدة كانت رائعة وناجحة. يقدمون لك الأساسيات أولاً بعدين يعطونك الأشياء الفرعية بشكل سلس جداً.
مافيه فرق كبير بين الشخصيات اللي تختارها، كل شخصية لها ميزاتها. ألعاب الطور التعاوني غالباً فيها شخصية أقوى من باقي الشخصيات بشكل مزعج يخرّب اللعب.
ازدياد الصعوبة في المرات اللي تعيد فيها اللعبة مناسب الى أبعد حد. عدت اللعبة مرة ثانية ولاحظت ان اللعبة صارت صعبة لكن بشكل يضيف تحدي ومتعة أكبر.
كل شي في اللعبة يتخزن بشكل رائع. تلعب مع اخوياك وفجأة فصل عليك؟ لا تخاف، كل أشيائك راح تبقى معك.

السلبيات

تقطيع في الشاشة (screen-tearing) واضح في بعض الأحيان.
على ان القصة جيّدة وفيها عمق، الا ان طريقة رواية القصة ما اعجبتني. ما احب الألعاب اللي توقف قدام شخصية كمبيوتر ويجلس يسولف فوق راسك يعلمك الأحداث اللي صارت.
تفادي الضربات (evasion) غير مريح لليد، لاحظت اني اذا صرت أطلق على العدو وأبغى أتفادى ضربته بسرعه أضطر اني أستخدم ابهامي الأيسر على عصا التحكم الأيمن. تخيل انك ماسك اليد، بتلاحظ انها غير مريحة.

التقييم النهائي

ابو كلب
تمشي الحال
ممتعة
ممتازة
اسطورية

الزبدة

أذكر شريت اللعبة على البي سي اول ما نزلت، لعبتها حوالي 3 ساعات وتركتها وانا ندمان. مو عشان اللعبة ما اعجبتني، لكن عشاني ماني لاعب بي سي. التحكم بالفأرة كان مزعج وخصوصاً في المشي. اذا تبغى تجرب لعبة من نوع جديد على جهاز منزلي متأقلم معه، فهذي فرصتك تلعب لعبة تعتبر أسطورة عند كثير من لاعبين البي سي.