جميل عبدالأحد
وش سالفة اللعبة
لعبة تصويب مخلوطة مع عناصر ألعاب الـMMO (ألعاب أونلاين يلعبها عدد كبير من اللاعبين) في عالم فضائي (أو خيال علمي) تشاركه مع ناس حول العالم اونلاين. أقرب تشبيه هو لو مزجوا لعبة World of Warcraft مع لعبة Borderlands.
معلومات اللعبة
الايجابيات
- أربع كواكب مختلفة و لكل كوكب وحوشها و مخلوقاتها المختلفة اللي لهم استراتيجيات و اساليب متنوعة في القتال.
- من افضل الالعاب من ناحية الذكاء الصناعي للأعداء، تحس ان الوحش يعرف متى يهاجم و متى ينحاش، اذكر نوع من الوحوش لا طلقت عليه صاروخ ار بي جي يسوي Teleport (انتقال بسرعة الضوء من مكان الى مكان) ويضيّع علي الذخيرة و اجلس اتحسف.
- مناظر خلابة في الكواكب، احيانا بس ودك تناظر في السما او المحيط و تشوف التفاصيل في الاشياء البعيدة، مثل في القمر تقدر تشوف اشلاء و بقايا محطة الفضاء الدولية.
- موسيقى اشبه بالسيمفونيات العظيمة تعطي كل كوكب جوها الخاص، و مع انها حلوة إلا انها ما تتعلق في المخ و ما راح تتذكرها.
- العنصر الإدماني في تجميع الغنائم (loot) سواء من الدروع او الاسلحة او غيرها، هذا هو الشي اللي ممكن راح يخليك تطول في اللعبة و تفحط فيه عشان كل شوي ودك تجيب سلاح او درع نادر و قوي.
- التركيز على اللعب التعاوني و بعض المهمات الصعبة جدا اللي ما راح تقدر تخلصها إلا و معك فريق يلعبوا زي الناس و عندهم اسلحة و دروع كويسة.
السلبيات
- قصة اللعبة ضعيفة جدا جدا لدرجة انك تفقد الاهتمام فيه كليا، اغلب الناس اللي لعبت معهم ما يعرفون وش هي القصة اصلا! حتى سرد القصة اغلب الاوقات مجرد واحد يسولف معك و يحكي ايش صار.
- مافي اي مشاهد سينمائية من طراز الحماسي و الملحمي الفاخر لدرجة اني حسيت اللعبة باردة نوعا ما.
- مافي اي شخصيات رهيبة تهتم فيهم او تتعاطف معهم، مع ان المدينة الرئيسية مليانة شخصيات بس تحسهم ميتين و حاطينهم زينة.
- تكرار تكرار تكرااااااار عنيف، مع انه في 4 كواكب مختلفة إلا ان المهمات ترجعك لنفس الاماكن لدرجة انك راح تحفظ كل الخرائط و المهمات كلها كأنه واحد مسوي نسخ لصق، مافي اي نوع من الابداع وواضح انهم ما حطوا اي جهد فيها.
- اللعبة يخيرونك تختار تخصص لشخصيتك، المشكلة انه مافي فروقات كبيرة بين التخصصات ذي! ما تحس انه في شي يميزك عن خويك! ما تحس ان اي احد يعتمد عليك عشان تخصصك فيه حركات يحتاجونها.
- الطور التنافسي اونلاين عادي جدا و مافيه تعمق كبير، فما راح ينافس كود او بتلفيلد او حتى لعبتهم هيلو!
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
واضح ان بنجي كان طموحها كبير جداً و حاولت انها تطبق افكار متنوعة من فئات مختلفة من الالعاب، مع ان جودة الانتاج واضحة إلا انها ما اتقنت باقي العوامل اللي قد تكون أهم. ينطبق هنا المثل اللي يقول "صاحب صنعتين كذاب". عموماً، حسيت باحباط بأشياء كثير في اللعبة، لكن كل هالعيوب ما منعتني اني استمتع باللعبة وأنبسط فيها.
ألعاب مشابهة
- Borderlands
فيديو اللعبة
Loading ...
عبد الله محمد
احمد خالد
Saudi Gamer
