الايجابيات
- درجة عالية جداً من الفكاهة، لدرجة اني صرت أركز على كل الحوارات في اللعبة عشان ما تروح علي الفكاهة اللي فيها. أعتقد وبكل قوة ان هذي من أكثر الألعاب فكاهية ولا أستغرب لو سمعت احد يقول عليها “اللعبة الأكثر فكاهية على الاطلاق”.
- من أفضل الألعاب التعاونية Co-op في هذي السنة بلا شك، بامكانك تلعب طور القصة مع ثلاث من أخوياك والرائع فيها ان مستوى الأعداء يصعب كل ما صار عدد اللاعبين أكثر، مما يعني رفع مستوى التحدي بالاضافة الى كثرة الأشياء والأغراض اللي راح تكسبها منهم.
- سرعة التطوير سواءً من ناحية العدد الهائل من الأسلحة، أو حتى الدروع. بتلاحظ انك كل شوي بتوقف تجمع أغراض جديدة عليك وأسلحة أقوى من اللي عندك وهذا يشجعك على تغيير طريقة لعبك ضد الأعداء واستخدام طرق جديدة معهم. ولا ننسى شجرة التطوير Skill tree اللي بتاخذ معك وقت طويل جداً عشان تكملها.
- الأعداء اللي تقاتلهم عادةً ما يكون مستواهم Level أعلى من مستواك بشي بسيط عشان يضيفون نوع من التحدي لك، عكس بعض الألعاب اللي ما يتغيّر فيها مستوى الأعداء “كح كح لوست بلانيت 2” اذا لعبت مع أخوياك بالطور التعاوني أو يرفعون لك مستوى الأعداء “كح كح ستار هوك” الى حد خرافي.
السلبيات
- القصة لا زالت ضعيفة. لاحظت اني بعد عدة ساعات من لعبي صرت أدخل مع الناس وأساعدهم ويساعدوني في مراحل متقدمة شوي من اللعبة ولا اهتمّيت انها راح تخرب علي أجزاء من القصة على الاطلاق.
- بما انها لعبة تعاونية بحتة، لاحظت انه من الصعب اني ألعبها لحالي. اللي ما يحبون الألعاب التعاونية احتمال ما يشترون اللعبة لهذا السبب.
- الجرافيكس تقريباً نفسه بالتمام ما تغير، بالاضافة الى تصميم المراحل متكرر. يا كثر مراحل الثلج اللي في اللعبة.
- بعض المشاكل في الذكاء الاصطناعي، خصوصاً في الاستيعاب. كثير لاحظت أعداء ما ينتبهون لوجودي عندهم الا بعد ما أبدأ أطلق عليهم على الرغم من اني قريب منهم مرة.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
اذا تبحث عن لعبة تركّز تركيز هائل على الطور التعاوني، بالاضافة الى ضحك واستهبال ووناسة وعدم جدية من حيث القصة، فهذي اللعبة تناديك ولا أظن فيه أفضل منها في هذا المجال حالياً.
ألعاب مشابهة
- Fallout من حيث طريقة اللعب. كلا اللعبتين منظور أول وآر بي جي غربي، بمعنى انك بتلعب اللعبة وبتركز على تطوير نفسك من خلال الأشياء اللي تلقاها.
- Brink من حيث الرسوم.
فيديو اللعبة
