التقييمات

تقييم: Bloodborne



Rating: 5.0/5. From 1 vote.
Please wait...

bloodbornereviewpic

وش سالفة اللعبة

لعبة آكشن (مع عناصر ألعاب الRPG) تتميّز بمستوى تحدّي عالي جداً، وتعتبر امتداد لسلسلة “سولز” (العاب دارك و ديمون سولز).

الايجابيات

  • على الرغم من انها امتداد لسلسلة “سولز” الا ان مخرج اللعبة المجنون (ميازاكي) – مثل ما توقعنا منه- عدّل أشياء كثيرة جداً في أساس اللعبة، وهالشي يعطيك تجربة جديدة كلياً! ما اذكر اي شركة سوت زي كذا في جزء جديد للعبتها، لان كل الشركات تقريباً يعتبرونها مخاطره انك تعدّل او تحذف اشياء حبوها الناس وتعودوا عليها.
  • عالم جميل، ومنوّع، وضخم، وغامض، واجزاءه مترابطة بشكل رهيب!
  • نظام قتال سريع وممتع وسلس، ويزيده متعه الأسلحة المتحولة الموجودة في اللعبة، كل سلاح يتحول الى سلاح أقوى (أو ابعد مدى) من السلاح الأصلي.
  • مثل العاب “سولز” السابقة، اللعبة ما تساعدك بشي نهائياً، وتعتمد على انك تتعاون مع اصدقائك (او تبحث اونلاين) عشان تستوعب عالم اللعبة وتتخطى اجزاء منه. شي نادر تشوفه في الالعاب هالايام.
  • تبسيط وتوضيح عملية تطوير الشخصية بشكل اكبر. الآن تقدر من البداية تحدّد وش تبي تركز عليه.
  • وأخيراً تقدر تلعب مع اخوياك بكل بساطة وسهولة، عكس ألعاب سولز السابقة.
  • المراحل الجانبية (Chalice Dungeons) ممتعة وتزيد عمر اللعبة بشكل كبير.

السلبيات

  • رسوم اللعبة (الجرافيكس) ماهو بمستوى ألعاب الجيل الجديد، وحركة (animations) الاعداء البعيدين تكون متقطعة ماهي سلسة زي اذا كانوا قريبين منك.
  • وقت تحميل طويل جداً يصل الى 45 ثانية! (سوني تقول ان فيه تحديث جاي بيحل هالمشكلة)
  • خاصية التنقل السريع غير عملية نهائياً. ما تقدر تنتقل من مرحلة الى مرحلة مباشرة. لازم اول ترجع للمنطقة الأولى (Hunter’s Dream) ثم تروح للمرحلة اللي تبي تروح لها. ولو حطيت في عين الاعتبار بطء وقت التحميل، فممكن تحتاج اكثر من دقيقه ونص عشان تستفيد من التنقل “السريع”
  • قلة انواع الاغراض اللي تلقاها في عالم اللعبة. بتلاحظ تكرار كبير في الاغراض اللي تلقاها خلال استكشافك، وهالشي يقلل متعة الاسكتشاف للأسف. حتى الاسلحة والملابس بتلاحظ ان اغلب اللاعبين (وانا منهم) نادراً يغيرونها.
  • الاعداء تقدر تضربهم ويضربونك من ورا الجدران. شي مزعج جداً مع الوقت.
  • الجرس اللي تستخدمه عشان تبحث عن لاعبين في الاونلاين يستهلك نقاط Insight اللي في اللعبة (نقاط لها عدة استخدامات). المشكله ان اوقات كثير اصرف كم نقطة عالفاضي بدون ما يكون فيه احد حولي، المفروض اذا فشل الاتصال مع اي لاعب يرجع لي النقطة اللي صرفتها.
  • قلة التنوّع بين الكلاسات واللاعبين في اللعبة مقارنة باجزاء سلسلة سولز.
  • تقطيع ملحوظ في الفريمات (الصورة) اذا لعبت مع او ضد احد اونلاين، واحيانا يزيد التقطيع بشكل مزعج.


التقييم من الآخر

التقييم النهائي

الزبدة

هذي من الألعاب اللي ممكن تشتري البلايستيشن 4 عشانها هي بس. ممتعة وعميقة جداً بتقضي اكثر من 40 ساعة فيها بالراحة، بتحلل كل ريال دفعتها عليها. وعلى الرغم من التبسيط اللي سووه في اللعبة، الا انها في نظري أفضل من جميع ألعاب سولز الماضية. لا تفوتك!

ألعاب مشابهة

  • Demon’s Souls
  • Dark Souls
  • Lords of the Fallen

فيديو اللعبة


هل ناوي تشتري لعبة BloodBorne؟

جاري التحميل ... جاري التحميل ...

معلومات اللعبة

الناشر: Sony Computer Entertainment
المطور: From Software
تاريخ الإصدار: 03/25/2015
التصنيف العمري: PEGI 18+
عمر اللعبة: 40 ساعة (تقريبي)
تحتاج إنجليزي؟: نص ونص
الوسوم

مشهور الدبيان

مؤسس سعودي جيمر، متخصص في تطوير المواقع والتطبيقات، ومهتم في الذكاء الاصطناعي.
إغلاق