يزيد السويري
يبدو أن قصة الجزء الثاني من Remember Me مكتوبة وجاهزة على حسب كلام الأخ المخرج Jean-Maxime Moris من إستوديو Dontnod Entertainment اللي قال:
“ودي أشتغل على الجزء الثاني وعارفين وش راح نسوي في Remember Me 2. القصة الرئيسية مكتوبة وجاهزة وعارفين وش راح نضيف لوصفة اللعبة. ونعرف وش لازم نصلح. اللعبة جاهزة للتطوير لكن هذا القرار راجع لكابكوم في النهاية.
“لكن حاليا تركيزنا منصب على لعبة Life is Strange. أتمنى فعلا إننا نشتغل عليها زيادة حتى بعد إنتهاء الخمس الحلقات. لازم نستفيد من اللي سويناه حتى الآن ونوازن تجربتنا لأشياء مختلفة لنحقق أكبر إستفادة من اللي تعلمناه. بدينا نركب الأفكار فوق بعض للموسم الثاني. طبعا من البديهي جدا أننا ننتظر حنا وشركة سكوير إنكس ونشوف كيف أداء الموسم الأول عشان نقرر إذا نبدأ في الموسم الثاني أو لا. حاليا الموسم الثاني ما بدينا التطوير عليها لكن ما زلنا في المراحل الأولى لبناء الفكرة”.
أنا اقول الفريق يكنسل شيء إسمه Remember Me 2 لأن بصراحة الجزء الأول كان سيء جدا ولا قدرت أكمله.
وش رأيكم شباب أي لعبة متحمسين لها أكثر من الإستوديو Life is Strange الموسم الثاني أو Remember Me 2؟ شاركونا أرائكم في التعليقات.
احمد خالد
بارعة
