أخبار

تأجيل حصريّة اكس بوكس ون Quantum Break الى عام 2016

quantumbreakcoverphoto

أعلن ستديو تطوير Remedy مطوّر لعبة كوانتوم بريك عن تأجيله للعبة الى عام 2016، بعد ما كانت مخطط انها تنزل هذي السنة.

الأخت Shannon Loftis، مديرة  نشر الألعاب لجهاز اكس بوكس صرّحت وقالت التالي:

” مع كل هالألعاب الكثيرة اللي بتنزل هذي السنة، تأجيل لعبة كوانتوم بريك الى عام 2016 بيقوّي قائمة ألعابنا السنة الجايه، بحيث يكون عندنا لعبة كبيرة خلال ذيك السنة”.

حتى قبل سبينسر، رئيس قسم اكس بوكس في مايكروسوفت، قبل فترة قال كلام مشابه، بحيث قال ان قائمة الألعاب اللي ناوين يطلقونها هالسنة كثيرة لدرجة انهم احتمال يضطرون يأجلون لعبة الى السنة اللي بعدها. يبدو ان الاختيار الآن وقع على كوانتوم بريك.

بالنسبة لاستديو التطوير، فكان لهم تصريحهم:

” نشكر جمهورنا على صبرهم، ونبغاهم يعرفون ان فريق التطوير بيستغل التأجيل هذا عشان يضبطون ويصقلون اللعبة عشان يكوّنون التجربة المميّزة اللي يتوقعونها من اللعبة”.

وش موقفكم من التأجيل؟

الوسوم
اظهر المزيد

محمد الشريف

كاتب ومدير تحرير موقع سعودي جيمر. أعشق ألعاب الفيديو من يومي صغير (ايه كلنا كذا)، أحب ألعاب التخفّي والرعب، وأعشق سلسلة Metal Gear ولعبة Silent Hill وICO.
إغلاق