محمد العليمي
في مسلسل باورز (Powers) الي يعرض على شبكة البلايستشين، ظهر واحد من الشخصيات يلعب لعبة انفموس سكند صن (Infamous second son) على جهاز البلايستيشن 4. الغريب ان الي جالس يلعب كان يكلم وحدة من الشخصيات بالبلايستيشن 4 ويستخدم محادثات الصوت والصورة (Video chat) الي حتى الان مو موجودة بجهاز البلايستيشن 4.
من الصورة نقدر نلاحظ ان خاصية محادثات الصوت و الصورة (Video chat) تظهر بمربع صغير على جانب الشاشة، والرهيب انك تقدر تستخدمها وانت تلعب (هذا الي ظهر بالمسلسل) طبعا هذا مو تأكيد رسمي من بلايستيشن.
تكلم في حدث (CES) نائب رئيس تطبيق ooVoo (تطبيق مشهور لمحادثات صوت و صورة) وقال حنا نخطط ان خدمة ooVoo بتصل قريبا للبلايستيشن 4 بالفترة مابين شهر ابريل وشهر يونيو، طبعا اذا وصلت أي خدمة محادثات صوت و صورة بتحتاج كاميرا البلايستيشن 4 الي تقدر تشتريها منفصلة اذا ماشريتها مع الجهاز.
بينما اذا عندك اكس بوكس، تقدر تستخدم ميزة محادثات صوت و صورة عن طريق عمل سناب لبرنامج سكايب وانت تلعب.
انتم وش رأيكم هل تبون هذي الميزة الرهيبة للبلايستيشن 4؟
Saudi Gamer
