أيهما تفضّل، طريقة Xbox One أم PS4 في تحديثاتهم النظام؟

أطلقت سوني اليوم تحديث على بلايستيشن 4، واللي فعليًّا ما يسوي شي كثير. هذي ماهي أول مرة سوني تسويها، ولا أعتقد انها بتكون آخر مرة.

من غير العدل اني أحاكم سوني على هذا التحديث فقط، بما ان سوني تطلق تحديثات ضخمة فيها الكثير من الميزات في أوقات غير محددة، عكس سياسة مايكروسوفت مع اكس بوكس ون، واللي غالبًا تكون تحديثات شهرية تضيف ميزات غالبًا تكون ممتازة.

مثل ما تشوفون، كل شركة تتبع سياسة معينة مع نظامها، سوني تطلق تحديثات ضخمة وكبيرة ولكنها غير ملتزمة بوقت معين، يتخللها بعض التحديثات الغريبة واللي ما تسوّي شي، ومايكروسوفت ملتزمة بتحديثات شهرية وعدت جمهورها فيها، وتضيف من خلالها ميزات تعلن عنها مع بداية كل شهر.

هذي السياستين مختلفتين تمامًا، كل وحدة منها لها ميزاتها. وش اللي يعجبك أنت شخصيًا، وليش؟ هل تحب ان نظام جهازك يتم دعمه بشكل شهري ويحتوي على عدد معين من الميزات، أو تفضّل ان نظام جهازك ما يكون له جدول تحديثات معين، بحيث تجيك تحديثات صغيرة ما تضيف الا شي قليل، وبعدها يجيك تحديث ضخم مليء بالميزات؟

هذا بيكون نقاشنا اليوم. شاركونا آراءكم وأصواتكم يارائعين 🙂