محمد الشريف
يبدو ان حتى الترقيد في المستشفى ما يمنع المرقّدين انهم يستمتعون بوقتهم. فيليكس موراي، ولد مرقّد في مستشفى بعيد عن بيتهم، لكن هذا الشي ما منعه من انه يلعب ويستمتع، والشكر موصول لخاصية اللعب عن بعد (Remote Play) اللي تدعمها أجهزة بلاي ستيشن.
تسمح خاصية اللعب عن بعد هذي للاعبين انهم يلعبون ألعاب أجهزتهم المنزلية (بلاي ستيشن 3 و4) على بلاي ستيشن فيتا (جهاز بلاي ستيشن محمول) من خلال شبكة توصل الجهازين ببعضهم.
يعاني فيليكس من مشاكل في الجهاز الهضمي عنده، ومضطر يقضي أوقات طويلة مرقد في المستشفى بسبب هذي المشاكل. في مرة من المرات، قرر أبوه انه يجيب له الفيتا بعد ما جرب يشبكه مع البلاي ستيشن 4 عن طريق ريموت بلاي. يقول أبوه ان الميزة في البداية واجهت مشاكل، لكن بعد فترة تمكّن ولده من انه يلعب inFAMOUS: Second Son بمشاكل قليلة. أبو فيليكس حط صورة لولده وهو يلعب، هذي هي
شي جميل اننا نشوف ألعاب الفيديو ترفّه عن الناس، حتى في الأوقات الصعبة. نتمنى لفيليكس الشفاء من المشاكل اللي يعاني منها.
كثير من اللاعبين ماهو منتبه لميزة الريموت بلاي بين بلاي ستيشن 4 وفيتا، وهذي ميزة رائعة. اللي لا زال يشك فيها، أنصحه يجرب ميتال جير سوليد: جراوند زيروز (بما ان حتى التحكم تم تغييره عشان يتناسب مع الجهاز) واحتمال كبير انه يغيّر رأيه 🙂
وش رأيك في ميزة الريموت بلاي؟ ووش تحتاج هالخدمة عشان تتطوّر للأفضل؟
احمد خالد
