تم اطلاق عرض تشويقي جديد للعبة سبميرجد (Submerged) و واضح ان اللعبة راح تكون جميلة ومشوقة. قصة اللعبة هي انك تلعب في مدينة غرقت بالمياه وخلال لعبك راح تكتشف تاريخ المدينة وسبب غرقها، نوع اللعبة هو مغامرات واكشن في نفس الوقت.
العرض التشويقي للعبة:
في اللعبة راح تلعب بشخصية اسمها ميكو (Miku) ومعها اخوها المصاب اللي اسمه تاكو (Taku)، راح يوصلوا المدينة الغارقة وراح تلعب بميكو و تبحث عن مأوى لتاكو، وبعدها راح تستكشف العالم لتجميع الغذاء ومساعدة تاكو بحيث انك راح تساعدة للتشافي من اصابته.
خلال لعبك راح تستكشف تاريخ المدينة الغارقة، وراح تعرف سبب سفر ميكو وتاكو لهذي المدينة بالتحديد، وايضا راح تستكشف السكان الموجودين في عالم اللعبة.
راح تتجول في المدينة بقارب وراح تستعمل ناظور ميكو لاستكشاف الكنوز المخبأة، اول ماتلقى اي كنز راح تحدد وبعدها تحاول تتسلق المباني و الاماكن الموجودة للوصول للكنز و لاخذ الجوائز الموجودة فيه او الاغذية الموجودة فيه و اللي راح تساعد تاكو.
الشيء الجديد و المحمس هو ان اللعبة مصممة بحيث انك ماتموت فيها، يعني راح تقدر تلعب اللعبة براحتك وبدون خوف.
لعبة سبميرجد مصصمة باستخدام محرك Unreal Engine 4 وراح يتم اصدارها لجهاز البلايستيشن 4، بي سي واجهزة الجوال، بالنسبة لجهاز الاكس بوكس ون الى الان مافي اي معلومات عن اصدار اللعبة عليه.
اللعبة مبدئيا شكلها جميلة و واضح ان قصتها محبوكة ومؤثرة.
وش انطباعكم الأولي عن اللعبة؟
