يزيد السويري
وأخيرا أعلنت سوني عن موعد صدور تحديث رقم 2.50 لجهاز البليستيشن 4 المسمى ب”Yukimura” واللي راح ينزل بكرة إن شاء الله لكافة مستخدمين الجهاز.
نذكر بأن أهم ميزة في هذا التحديث هي ميزة الإيقاف/المتابعة ( Suspend/Resume ) واللي تسمح لك تطفي البليستيشن في وضع الخمول ولما تشغله مرة ثانية ترجع من نفس النقطة اللي كان عليها الجهاز قبل ما تطفيه وهذا بيفك أزمة شديدة جدا يا زول.
وهنا ملخص للتذكير بأهم مميزات وتحسينات التحديث الجديد:
الميزات الرئيسية
- إمكانية وضع الجهاز في حالة الخمول ( rest mode ) بدون ما تقفل أي تطبيق أو لعبة. تقدر تعدل هذا الخيار في إعدادات توفير الطاقة [Power Save Settings] وبعدين تختار [Set Functions Available in Rest Mode].
- تم إضافة خيار [Accessibility] في إعدادات الجهاز. وهذا بيخليك تعدل في ترتيب أزرار التحكم بحيث مثلا تخلي زر الدائرة يكون زر الموافقة يعني تصير إذا بغيت تشغل اللعبة تضغط دائرة بدال زر إكس وهكذا.
- امكانية النسخ الاحتياطي على قرص صلب خارجي: بامكان أصحاب PS4 الآن أن يقوموا بتخزين واسترجاع بياناتهم على أقراص صلبة خارجية وذلك يشمل الالعاب والتخزينات ومقاطع الفيديو والصور المسجلة الموجودة في الجهاز.
التروفيات “Trophies”
- الحين تقدر تمسح قائمة تروفيات اي لعبة نسبتها صفر بالمئة.
- الحين تقدر تختار طريقة عرض التروفيات على حسب درجة التروفي [Grade] او التروفي اللي ما بعد أخذتها [Not Earned] أو تعرض آخر التروفيات اللي أخذتها [Earned Date].
- إضافة ميزة البحث في الإنتنرنت عن تفاصيل إضافية عن التروفيات من قائمة [Trophies].
- راح يتم أخذ لقطة للشاشة ( Screenshots ) في لحظة حصولك على أي تروفي بشكل تلقائي وطبعا تقدر تشوف هذه اللقطات في [Capture Gallery].
- الحين تقدر تسوي مشاركة لتفاصيل والصور الملتقطة للتروفيات بمجرد ضغطك على زر Share على التروفي اللي تبيه.
تحديثات ميزة Share Play
- الحين تقدر تختبر سرعة إتصال المضيف عند بدأ خدمة Share Play.
- الحين تقدر تلعب الألعاب عن طريق ميزة Share Play بسرعة 60 إطار في الثانية. لازم المضيف اللي في البارتي يختار هالشيء من [Party Settings] وبعدين [Video Quality for Share Play] وبعدين [Frame Rate] ويختار سرعة 60 إطار في الثانية.
- طبعا لازم يكون كل الجهازين على نفس التحديث 2.50 عشان تشتغل ميزة Share Play. لكن لما واحد مثلا جهازه على تحديث 2.00 والثاني 2.50 ما يقدرون يستفيدون من ميزة Share Play.
تحديثات عامة
- الحين تقدر تشوف أصدقائك في الفيسبوك في قائمة [Players You May Know].
- الحين تقدر ترسل طلب الكشف عن الإسم الحقيقي مع رسالة طلب صداقة للناس الغير مضافين في قائمة أصدقائك.
- إضافة تأثير shadow style للنصوص في إعدادات الخلفيات.
- الحين تقدر تستخدم 140 حرف في خانة التعريف بالنفس.
- في حال إستخدمت 22 حرف أو أكثر في خانة التعريف بالنفس راح يتم عرض 21 حرفا منها بس على الأجهزة اللي تشتغل على تحديث قديم قبل التحديث 2.50.
- تقدر الآن تستخدم سطح اللمس على يد التحكم للتحم بتشغيل الفيدوهات.
- إضافة خيار [Discover] في قائمة التنبيهات ( Notifications ) وهذا الخيار يسمح للمستخدمين بالتعرف على المميزات اللي يقدمها الجهاز.
- ميزة Remote Play ما راح تشتغل مع جهاز الفيتا حقك اللي يشتغل على تحديث 3.35. راح ينزل تحديث مستقبلا للفيتا وراح يكون مطلوب إذا بغيت تستخدم ميزة Remote Play.
طبعا في تحديث بينزل اليوم للفيتا وتطبيق البليستيشن حق الجوالات يضيف ميزات تكميلية تتناسب مع تحديث البليستيشن 4 الجديد.
وش رأيكم شباب وش أهم ميزة عندكم؟ عن نفسي ميزة النسخ الإحتياطي من زمان أنتظرها أبي أسوي نسخ لالعابي قبل ما أغير الهاردسك. ولا تنسون تشاركونا أرائكم تحت في التعليقات.
احمد خالد
