محمد الشريف
من قال ان البلاي ستيشن 3 مات؟ أنا! أو على الأقل كنت أقول اني من بعد ما شريت البلاي ستيشن 4، ما أبغى أرجع للبلاي ستيشن 3.
يقول جون كولر، والتنفيذي في قسم تسويق بلاي ستيشن:” نعتقد ان الجهاز لا زال يقدر يعطي الكثير. يمكن سنتين أو ثلاث أو أربع، وهذا كلّه يعتمد على المحتوى اللي بينزل عليه”
برضو يقول جون في تصريح ثاني:” عندنا مجموعة ألعاب لهذي السنة، برضو السنة الجاية بيكون فيها مجموعة ألعاب جيّدة. حنّا بندعم البلاي ستيشن 3 من خلال دعمه بالمحتوى”.
بعد ما قريت التصريح الأول، كنت أشك في كلامه بما ان البلاي ستيشن 3 ما عاد فيه حيل من الناحية التقنية، خصوصاً بعد ما شفنا ذا لاست أوف أس وجراند ثيفت أوتو 5، اللعبتين اللي تحس انهم استهلكوا طاقة الجهاز الين ما قام يكحكح.
أما من ناحية الألعاب اللي بتنزل على البلاي ستيشن 3 هذي السنة، فهذي بعض من أبرز الألعاب:
- Castlevania: Lords of Shadow 2
- Dark Souls 2
- Metal Gear Solid V: Ground Zeroes
- Destiny
- The Evil Within
- Mad Max
- Final Fantasy 10/10-2 HD Remaster
- Watch Dogs
- Dragon Age: Inquisition
أكرّر، هذي بعض الألعاب، مو كلها. برضو بعض هالألعاب بينزل على بلاي ستيشن 4، لكن ذكرتها في حال ان البعض الى الآن ما اشترى بلاي ستيشن 4.
وش رايك في تصريح جون كولر؟ هل تتوقع انك بتستخدم بلاي ستيشن 3 في السنة الجاية واللي بعدها؟
احمد خالد
