وكأن العالم ناقص شطحات. بدأ البروفيسور أوستين ستيوارت (Austin Stewart) اللي يشتغل في جامعة مشروعه الشاطح، وهو باختصار عبارة عن تلبيس الدجاج أجهزة أوكيولوس ريفت خاصة لهم عشان يحسون انهم يعيشون في مزرعة، بدال ماهم محجورين في الأماكن المغلقة اللي تعيش فيها حالياً.
خطة الأخ أوستين انه يختبر امكانية تطبيق التكنولوجيا في تحسين المنتجات اللي ناكلها. يقول آوستين ان في حال لبّسنا الدجاج أجهزة واقع افتراضي وخليناهم يحسون انهم يعيشون في مزارع فيها أشجار وأعشاب وكذا، بالاضافة الى وضع دجاج معهم في الواقع الافتراضي عشان الدجاج المسكين يصدق السالفة من جد، هذا بيكون أفضل للدجاج.
يقول أوستين ان الفكرة هذي بتخلي الدجاج يعتقد انه في “مرعى”. يقول ستيوارت انه ماهو ضد هالفكرة أبداً، ولا يعتقد انه بينفذها، لكنه يقترح انها تتنفذ عشان يشوف الايجابيات والسلبيات اللي بتطلع من هذي التجربة. المصدر حط بعض الصور، لكن هذي الصورة كمّلت السالفة وفقت ضحك لمن شفتها.
مدري وش الخبر الغريب أكثر، هذا ولا خبر الجيش الأمريكي اللي مسوي خطة حقيقية للتصدي للزومبيز؟ المهم اني من بداية كتابتي للخبر الى نهايته وأنا أضحك.
اذا صار هالشي في يوم من الأيام، يمكن نحتاج نجيب نسخ خاصة من أجهزة الواقع الافتراضي للجمال والضبّان. ودي أشوف أشكالهم وهو ملعوب عليهم المساكين.
