مشهور الدبيان
أطلق وكيل بلايستيشن في السعودية أمس جهاز بلايستيشن 4 رسمياً في السعودية في حفل مصغّر وزعوا فيه أجهزة بلايستيشن 4 على جميع اللي طلبوا الجهاز سابقاً. التوزيع كان في الفندق المجاور لعالم بلايستيشن في شارع التحلية في الرياض، وتم تنظيم الزوّار بحيث يصفّون طابور من المواقف تحت الفندق ويمرون في الدرج الى الدور العلوي ثم أخيراً الى صالة استلام الأجهزة.
و مع ان كان فيه شكاوي على التنظيم (خاصة في “الكتمة” ومدة الانتظار)، الا اني اعتقد انه الموضوع تم بشكل سلس نظراً للعدد الضخم اللي جاي يستلم اجهزة بوقت واحد (1700 شخص تقريباً حسب علمي). كنت اتمنى شي أفضل من كذا كحفل، لكن طالما ان الاجهزة توزّعت بدون مشاكل كبيرة (حسب علمي) فبرأيي كان حدث ناجح.
قبل ما يبدأ التوزيع اعطت الشركة اول بلايستيشن 4 لعبدالعزيز البواردي، وهو الشخص اللي فاز بالجهاز من سحب يوم اللاعبين 2013، وبكذا لقينا اجابة اخيراً لسؤال “متى يسوون السحب على بلايستيشن يوم اللاعبين؟” اللي كانوا يسألونه المتابعين بشكل مستمر من أول ما اعلنا عن المسابقة.
اذا فاتتك فرصة انك تشتري الجهاز فلا تشيل هم، فيه دفعات جايه بتتوفّر بشكل تدريجي وبتقدر تشتري الجهاز بسعره الأصلي، فلا تتهوّر وتشتريه بأكثر من كذا. مافيه شي يخليك تستعجل وتشتريه بسعر خيالي.
هل كنت أحد المحظوظين اللي اخذوا جهازهم أمس؟ هل واجهت اي مشاكل وقت الاستلام؟ وفي حال ما شريته، متى ناوي تشتريه؟ شاركنا برأيك في التعليقات
أحمد عصام
