الظاهر ان مايكروسوفت ماتشوف سوني كمنافس لنظام البرمجة الاصلي للاكس بوكس.
رئيسة استوديوات اكس بوكس للترفيه نانسي تيلم (Nancy Tellem) قالت ان مايكروسوفت تشتغل على محتوى اصلي من 18 شهر ومتقدمة على موعدها للبرمجة الاصلية في شهر جون، وبالمقابل سوني مو فاعده تسوي شي.
تقول نانسي “مايكروسوفت خصصت استوديو كامل عشان تدعم هذا النوع (تقصد ترفيه تلفزيوني) من تطوير المحتوى. المحتوى الأصلي والممتاز شي الكل يحاول يوصل له فيه حاليا. ابدا مو واضح كيف سوني مهتمة بهذا الشي على البلاي ستيشن.”
نانسي كمان علقت على انها لما تشتغل مع مايكروسوفت كأنه احد اعطاها مفتاح لمحل حلويات.
وتقول بعد: “سواء كان من لعبة مثل Fable، او Age of Empires، أو Gears of War، أو Forza, او Halo. بصراحه هذي هي الاشياء الي الكل يتمنى يحصل عليها لو ماكنا متعلقين بمايكروسوفت، لانها منصة الشغل عليها رهيب”.
شخصيا اشوف انه مهما سوت مايكروسوفت، سوني تبقى اكبر منافس لها.
شرايكم بكلام نانسي عن سوني؟
