خدمة البليستيشن بلص للي ما يعرفها بدأت مع جهاز البلايستيشن 3 وهي عبارة عن خدمة إشتراك سواء شهرية أو سنوية تعطيك عروض وخصومات على بعض الألعاب والأهم من ذا كله واللي تعتبر الميزة الأساسية اللي تخلي الواحد يشترك في الخدمة هي ميزة تحميل ألعاب كاملة بالمجان شهريا تتنوع ما بين ألعاب رقمية صغيرة أسعارها ما بين 10 و20 دولار أو ألعاب ضخمة أسعارها تكون ما بين 40 و 60 دولار.
الخدمة أصبحت إجبارية عشان تلعب أونلاين في جهاز البلايستيشن 4 البعض ممكن تضايق من هالشيء لكنه مع الوقت رضى بالهشيء خصوصا مع عروض الألعاب المجانية اللي تزداد رهابة مع مرور الوقت.
أحد المواقع قرر يحلل ويشوف كم وصلت له قيمة الألعاب المجانية اللي تجي مع الخدمة في سنة 2014 على أجهزة بلايستيشن الثلاثة ( البلايستيشن 4 والبلايستيشن 3 والفيتا ). الموقع جمع أسعار الالعاب الأصلية وطلع معه أن مجموع قيمة هذه الألعاب هو 1300 دولار ( أكثر من 5000 ريال سعودي ).
توفير خورافي وقيمة كبيرة تقدمها الخدمة إذا ما قارناها بسعر الإشتراك السنوي اللي ما يتعدى 250 ريال بس. برأيي أن المستفيد الأكبر هو اللي يملك كل أجهزة البليستيشن الثلاثة ويستمتع بكل الألعاب بإشتراك واحد في السنة. وش رأيكم أعزائي بخدمة البليستيشن بلص بشكل عام وهل في أحد عنده جهاز بليستيشن لكن ما عنده إشتراك بلص ؟ شاركونا أرائكم في التعليقات.
