شاشة البلايستيشن الرسمية (شاشة 3D) اخيراً بتنزل عندنا في السوق السعودي.
الشاشة بتنزل ان شاءالله يوم 1 مايو في محلات عالم بلايستيشن وعالم سوني والموزعين المعتمدين. بسعر 2149 ريال بتاخذ:
- شاشة 24 بوصة وضوح عالي مع خاصية 3D.
- نظارتين 3D تقدر تستخدمها مع شاشات الـ3D الثانية.
- لعبتين بلايستيشن فيهم خاصية 3D: لعبة Gran Turismo 5 و Kill Zone 3
- كيبل HDMI.
أرهب ميزة في الشاشة ميزة هي انك تقدر انت وواحد ثاني تلعبون بنفس الشاشه بس كل واحد يشوف شاشه مختلفه (شف الفيديو عشان تفهم وش اقصد) – بس مو متأكدين اذا تشتغل مع كل الالعاب. طبعاً الشاشه تقدر تستخدمها مع الكمبيوتر او التلفزيون ماهي بس للبلايستيشن.
وش رايك في الشاشه؟ وهل ناوي تشتريها؟
شاركنا برأيك بالتعليقات. ترا بيقراها وكيل سوني. صدز ما نمزح.
