أحمد قربان
شركة فيليبس (Phillips) رفعت قضية على ننتندو (Nintendo) بأنهم انتهكوا براءة اختراع خاصة فيهم. بالتحديد، الشكوى كانت على اجهزة التحكم الحركية المحمولة (محمولة مثل الـ3DS يعني) او الاجهزة الجانبية (يقصدوا يد التحكم)، بالاضافة الى جهاز و اكسسوارات الوي يو (Wii U)، وايضا تقنية “محاكاة حركة اللاعب الحقيقية وتحويلها الى بيئة وهمية تتبع نفس التحركات اللي يقوم بها اللاعب”.
القضية تم رفعها في 14 مايو و الشكوى كانت عن انتهاك براءات اختراع شركة فيليبس من ناحية: جهاز تحكم لمحاكاة حركة الجسم، و نظام تقديم للمتسخدم يعتمد على جهاز بمؤشر (Pointing Device). و أضافت شركة فيليبس ان ننتندو كانوا عارفين عن هذي البراءات من قبل لأن فيليبس عرضوها في عام 2011.
فيليبس تطالب بأن تاخذ حصتها من هذا الانتهاك بثلاثة اضعاف الخسائر اللي صارت لهم بالاضافة الى الفوائد اللي حصلت عليها ننتندو. وايضا فيليبس راح تراقب ننتندو اكثر وتكون حذرة معاها في المستقبل لتفادي اي انتهاكات لمنتجاتها الخاصة.
المصدر يقول انهم استفسروا من ننتندو عن هذا الخبر وراح يكتبوا الاخبار اول ما ننتندو يردو عليهم.
صراحة موضوع غريب! لأن مو بس ننتندو اللي سوت الحركة هذي، حتى الاكس بوكس والبلايستيشن سووا هذي الحركة ومحد رفع عليهم شكوى. خلينا نشوف اش ردة فعل المحكمة وننتندو على هذي القضية الغريبة.
اش رايكم هل تعتقدوا ان فيليبس راح يفوزوا بالقضية؟ شاركونا.
احمد خالد
بارعة
