يزيد السويري
صرح منتج لعبة Payday 2 أنه ليس قلق من GTA Online’s Heists و Battlefield Hardline وأن نجاح هذه اللعبتين ما راح يأثر على إطلاق النسخة الجديدة من Payday 2 على أجهزة الجيل الجديد.
تكلم منتج اللعبة الأخ Almir Listo عن الضغوط الكبيرة اللي ممكن تسببها ألعاب ضخمة منافسة زي Battlefield Hardline و GTA Online’s Heists وقال:
“حنا خلاص تعدينا هذه المرحلة وما عاد صرنا نخاف. عندنا مجتمعنا حق اللعبة ونعرف وش يبون وهالشيء بيزيد شعبية ألعاب السطو المسلح. عن نفسي متحمس للعبة GTA Online’s Heists على البي سي وابي أشوف Battlefield Hardline وش عندها. من جهتنا حنا نرحب بالتحدي وأي منافسة لنا ما تعتبر إلا فرصة لجعل لعبتنا افضل. راح نلعب ألعابهم أكيد ونستمتع فيها وراح نتعلم منها ونشوف وش الأشياء الكويسة اللي سووها.
“لعبة Payday اثبتت أنه في لاعبين يحبون يعيشون الجو الخيالي حق الجرائم. وهذا سبب بروز ألعاب سطو مسلح ثانية تطفو على الساحة. إذا كان في أحد يعرف قد إيش هي صعبة صناعة لعبة سطو ممتازة فهو إحنا ولذلك نتمنى لهم حظا طيبا.
“ما نبي نسوي Payday 3 و Payday 4 و Payday 5: Advanced Combat أو اي شيءمن هذا القبيل. راح نستمر في إضافة أشياء كثيرة للعبة Payday 2 للناس اللي شروها وتعمقوا فيها. وأحب أشكر مجتمع اللعبة لأن حنا كشركة وضعنا تمام ومن الناحية المالية كل شيء ماشي كويس بعد ما تم شرائنا من قبل شركة Starbreeze. لعبة Payday جدا ناجحة والفضل يعود لمجتمع اللعبة وهالشيء معناه أننا نبقى مستقلين بعملنا ونركز على شغلنا بس”.
بعد نجاح لعبة Payday بجزئها الأول والثاني قرر المطور أنه ينزل الجزء الثاني بإصدار محسن بعنوان Payday 2: Crimewave Edition على البليستيشن 4 والإكسبوكس ون في شهر يونيو الجاي.
وش رأيكم شباب بكلام المنتج وهل ثقته في محلها وأنه فعلا وجود ألعاب زي GTA Online’s Heists ما راح يأثر على لعبتهم؟ شاركونا ارائكم في التعليقات.
بارعة
احمد خالد
