بعد اشاعات عن نيّة المطوّر باعلان عن لعبة جديدة، أعلن فعلاً ستديو بليزارد في مؤتمره Blizzcon عن لعبتهم الجديدة باسم أوفرووتش.
لعبة أوفرووتش هي لعبة تصويب منظور أول، تعتمد على اللعب الجماعي، بحيث تلعب أنت وأخوياك ضد فريق ثاني. تعرف لعبة Team Fortress؟ هذي أقرب مثال لها.
الفريق بيكون عدده 6 وبيلعبون ضد نفس العدد، وبتركز اللعبة على عنصرين: المتعة والشخصيات الفكاهية (أو السخيفة الى درجة انها صارت مضحكة). تقدر تاخذ فكرة عن اللعبة من خلال فيديو الاعلان عنها
اللعبة بتحتوي على شخصيات مختلفة، مثل العالِم واللي من قدراته انه يختفي ويطلع في مكان ثاني ويستخدم قنابل والقدرة على اعادة الوقت. هذا فيديو ثاني يوريك طريقة اللعب، اللي هو أهم شي:
النسخة التجريبية beta للعبة بتبدأ في 2015، وبامكانك تسجل فيها. من أهم أهداف اللعبة انها مقبولة للكل وسهل انك تلعب فيها (ماهي هاردكورية مرة يعني). أما بالنسبة لتاريخ اطلاقها، فما حددت الشركة للآن، لكن قالوا انها “أقرب من اللي تتوقعه”.
هذي اللعبة تعتبر اللعبة الجديدة الأولى تقريباً لهذا الاستديو من 17 سنة. كيف تتوقعون بيكون مستقبل اللعبة؟
