في تصريح جديد لمدير مجتمع التابع لاستديو التطوير Ready at Dawn والمسؤول عن تطوير لعبة ذا أوردر 1886، صرّح جولدبيرج بأن الجهاز المنزلي الوحيد اللي يقدر يعرض دقة رسوم اللعبة هو بلاي ستيشن 4 فقط.
تكلم جولدبيرج أولاً عن استديو التطوير وكيف انه انتقل من تطوير ألعاب على جهاز PSP الى بلاي ستيشن 4، وكيف ان بلاي ستيشن 4 هو الجهاز المنزلي الوحيد اللي يقدر يعرض اللعبة بالشكل المطلوب. يقول جولدبيرج: “ما كنا بنقدر نوصل لهذا المستوى من الدقة في الرسوم لو سوينا اللعبة على أي جهاز منزلي ثاني”.
بعدها تكلم جولدبيرج عن العصر اللي بتصير فيه أحداث اللعبة، وان مافيه لعبة قبلها استخدمت هذا العصر. العصر المستخدم في لعبة ذا أوردر هو العهد الفيكتوري في لندن ولكن مع بعض التعديلات اللي أضافوها، أحداث اللعبة تقع في لندن في القرن التاسع عشر، ولكن الاستديو بيستخدم تقنيات ما طلعت الا بعد هالعصر، بالاضافة الى بعض العناصر السحرية وغيرها.
وش رأيكم في كلام جولدبيرج؟
