حسب بحث جديد، فقط 25% من الألعاب اللي تم اطلاقها على نظام early access في شبكة ستيم تم اطلاقها بشكل رسمي.
نظام Early Access أو نظام الدخول المبكّر للعبة، هو عبارة عن نظام يسمح للمطوّر انه يطلق لعبته وهي ماهي كاملة، بحيث يشترونها اللاعبين منه ويجربونها. بعد انتهاء اللعبة يطلق -أو المفروض- المطوّر لعبته بشكل كامل للاعبين، لكن يبدو ان الواقع عكس هذا تماماً.
مع زيادة عدد الألعاب في شبكة ستيم، زادت بالتالي نسبة الناس اللي تستخدم نظام الدخول المبكّر للألعاب. في عام 2014 فيه 255 لعبة اتبعت هذا النظام، أما في 2013 فكان فيه 103 لعبة. لاحظ البحث ان اللاعبين أحياناً يدفعون فلوس أكثر على الألعاب اللي تتبع نظام الدخول المبكر.
لاحظ البحث برضه ان في عام 2013 كان فيه 9 ألعاب اتبعت نظام الدخول المبكر، ولكن 3 منها فقط تم اطلاقها. الباقين لا زالوا تاركين اللعبة على حالها. كثير من المطوّرين يطلقون لعبة بنظام الدخول المبكر، وبعدها بفترة يسحبونها ويختفون.
نظام الدخول المبكّر للألعاب غالباً يثير التساؤل عند بعض النقّاد في مجتمع اللاعبين، بحيث بعض المطوّرين يستغل هذا الشي ويطلق لعبته بهذا النظام، واللي تكون ماهي جاهزة، ويكسب فلوس من الناس اللي تشتري، وبعدها يماطل في اطلاق اللعبة بشكلها الكامل أو حتى ممكن توصل انه يسحب اللعبة وياخذ فلوس الناس ويمشي.
وش رأيك بنظام الدخول المبكر في ألعاب الفيديو؟
