محمد الشريف
تذكرون خدمة اللعب السحابية أونلايف، واللي أول ما طلعت قالوا عنها بعض النقّاد انها خدمة طموحة وسابقة لزمنها؟ طلع كلامهم صحيح، اليوم أعلنت الشركة انها بتغلق المشروع، وان فيه أجزاء من المشروع راح تشتريه سوني.
مافيه أي تفاصيل عن الصفقة اللي بين أونلايف وسوني، لكن المذكور في التصريح هو التالي:
” مستخدمين خدمة أونلايف بيقدرون يدخلون ويستخدمون حساباتهم الى 30 ابريل من عام 2015. بعد تاريخ اليوم، ما راح نخلي أي شخص يدفع مقابل خدماتنا. أما بالنسبة للمستخدمين اللي جددوا اشتراكهم قبل تاريخ 28 من شهر مارس، بيتم ارجاع فلوسهم لهم”.
يبدو ان سوني بتستفيد من الصفقة حقتهم مع أونلايف بحيث يطبقون اللي ياخذونه منها على خدمتهم الخاصة فيهم PlayStation Now، وهي خدمة لعب عبر السحاب (الانترنت) بحيث تستأجر اللعبة وتلعبها عن طريق الانترنت بدون ما تحتاج لتحميل اللعبة، كل اللي تحتاجه هو انترنت سريع عشان يصير بث اللعبة ماشي بدون تقطيع وعشان تستجيب اللعبة معك بدون تأخير يزعجك.
وش موقفكم من فشل مشروع أونلايف، ودخول سوني في شراء بعض قطعها؟
احمد خالد
أحمد عصام
