مطوّر لعبة Oddworld لمطوّري الألعاب: لا تخافون من التطوير على الأجهزة المنزلية

يقول Stewart Gilray رئيس أستوديو J.A.W أن “أجهزة الجيل الجديد قللت الفارق بينها وبين الPC ، أعتقد أن الناس بينصدمون لما يشوفون لعبتنا Oddworld :New n Tasty لأنها مختلفة عن المعتاد ” .

“مظهر الألعاب ماهو إمتياز لفريق صغير زينا ، يمكن الناس يشوفون ألعابنا ويتوقعون فريق مكون من 20 فنان شغالين على الألعاب ولكن بالواقع عندنا 4 فنانين للبيئة و أثنين غيرهم يسوون حركات الشخصيات” .

حسب كلامه الأجهزة الجديدة بدأت تصير أسهل للتطوير وأنها تقريبا صارت عملية تطويرها مثل الPC بالضبط ، “كنا نطالب سوني أنهم يخلون أجهزتهم أسهل للتطوير ، وفعلا سمعوا كلامنا وخلوا عملية التطوير أسهل فمثلا على الفيتا صرنا نشبكه ونشتغل عليه مباشرة وتقريبا البلايستيشن 4 صاير بنفس الفكرة ، وهذا أفضل بمراحل من الألعاب الي طورناها في ال26 سنة الي راحت ، وبالنهاية لا تخافون من سالفة التطوير على الأجهزة المنزلية”.

هل جربت لعبتهم الجديدة OddWorld:New ‘n’ Tasty ؟