أحمد قربان
بالمر لوكي (Palmer Luckey) مؤسس شركة الاوكلوس (Oculus) ومخترع جهاز الاوكلوس ريفت (Oculus Rift) وضح قبل فترة ان جهاز الاوكلوس ريفت راح ينزل خلال هذي السنة، وماراح يتاجل لعام 2016 الا في حال حدوث خطأ كبير. لكن الى الان مانعرف موعد الاصدار و بدات الشكوك تظهر حول حدوث شيء خاطىء.
جاوب بالمر عن هذي الشكوك وقال: “انا قلت هذا الكلام من قبل -يقصد ان التاجيل ماراح يصير الا بسبب مشكلة كبيرة- لكن احنا سوينا تغييرات كثيرة في خطتنا و وسعنا طموحاتنا بشكل كبير حول الجهاز و عن الاشياء اللي نبغا نسويها، شراكتنا مع شركة الفيس بوك (Facebook) سمحت لنا اننا نشتغل بشكل مكثف و قوي، بدونهم كنا راح نحتاج نوظف 300 شخص ليشتغلوا معانا في تطوير جهاز الاوكلوس ريفت لانهاءه في اسرع وقت ممكن وبالجودة اللي نتمناها”
كمل بالمر: “مااقدر احدد تاريخ معين للاصدار باي حال من الاحول لكن اقدر اقول لكم ان مافي أخطاء، كل شيء سويناه راح يكون صحيح بشكل فظيع”
بعد الاعلان عن جهاز سوني (Sony) المنافس للاوكلوس ريفت و المعروف باسم المورفيوس (Morpheus) وايضا بعد الاعلان عن جهاز شركة فالف (Valve) بالتعاون مع HTC لانشاء جهاز واقع افتراضي خاص بهم، سألوا الناس بالمر اذا هذي الاجهزة زودت الضغوطات على شغلهم خصوصا ان سوني وفالف حددوا الموعد المبدئي لاصدار اجهزتهم وهي في 2016 و 2015 بالترتيب.
قال بالمر عن الموضوع: “الاعلان عن الاجهزة الثانية ما اضاف لنا اي ضغوطات زيادة لاننا اصلا مضغوطين بشكل عالي جدا وصعب اي شيء يطغى على ضغطنا الحالي”
واخر شيء تكلم بالمر عن منافسة الاوكلوس ريفت للباقين وقال: “انا مازالت اعتقد ان الاوكلوس ريفت راح يكون افضل جهاز واقع افتراضي متاح للجميع بأي سعر، ممكن هذا الكلام يتغير بسبب وجود اجهزة افضل مننا بالسوق لكني اعتقد ان هذا احتمال ضعيف في الوقت الحالي”
كلام جميل من بالمر الا اني احس ان السوق راح يأكلهم اذا ماقدموا شيء مميز ومختلف عن الباقين خصوصا اذا استمرت المشاكل اللي عانى منها مستخدمي الاوكلوس ريفت. كل شيء راح يوضح مع الوقت ومع تجارب الناس و المنافسة دائما في مصلحة المستهلك، يعني في مصلحتنا. اذا ودك تعرف اكثر عن الاجهزة المنافسة كتبنا عن جهاز فالف، وعن جهاز المورفيوس من حيث مواصفاتهم ومواعيد اصدارهم.
وش رايكم بكلام بالمر؟
أحمد عصام
احمد خالد
