محمد الشريف
أعلن واحد من فريق جهاز الواقع الافتراضي أوكيولوس ريفت ان تم الغاء جميع الطلبات المسبقة للجهاز في الصين.
تم اكتشاف الموضوع في الموقع المعروف Reddit واللي كتب عن الغاء الطلبات المسبقة، فجا واحد من فريق أوكيولوس ريفت ورد على الموضوع وقال: “كنا مضطرين اننا نلغي مبيعات الجهاز في الصين بسبب كثرة الطلبات عليه. حنا بنسوي كل شي عشان نتأكد ان المحلات اللي تبغى تبيع الجهاز وتربح منه ما تأثر على الوحدات اللي يشترونها المطورين”.
يبدو ان أوكيولوس عندهم نقص في الأجهزة، واضطروا يلغون الصين ويضحون فيها بسبب كثرة الطلبات هناك، واللي احتمال يشترونها ناس ماهم مطورين ألعاب، لذلك فريق أوكيولوس اضطر يتخذ هالخطوة الجريئة عشان يضمنون ان الوحدات اللي راح يبيعونها بتروح للمطورين.
يكمل كلامه عضو فريق أوكيولوس ريفت: “منتجنا بشكله الحالي هو منتح للمطورين فقط. حنا نحاول حالياً اننا نلقى طرق ثانية عشان نوصل فيها الجهاز الى المطورين اللي في الصين”.
أخيراً، طلب العضو من الناس اللي ماهم مطورين انهم ينتظرون النسخة العادية من الأوكيولوس، عشان يعطون فرصة للمطورين.
وش رأيك في الموضوع؟ وهل انت متحمس للأوكيولوس؟
بارعة
احمد خالد
