أخبار

عندك بلايستيشن 4 وتعاني من صغر مساحة الذاكرة؟ يمكن القطعة هذي بتحل مشكلتك

nykodatabnk

أعلنت شركة Nyko عن قطعة اكسسوار جديدة لبلايستيشن 4، فكرة القطعة انها تسمح لك انك تستخدم ذاكراتك الخارجية كذاكرة داخلية وسط الجهاز. تقدر تقول ان القطعة هذي بتخلّيك تستخدم ذاكرات خارجية رخيصة وحجمها كبير.

الى الآن، سوني ما سمحت للذاكرات الخارجية انها تشتغل بشكل كامل، مثال هذا انك ما تقدر تثبت ألعابك على الذاكرات الخارجية. القطعة هذي راح تسمح لك انك تستخدم الذاكرات الخارجية، وتخلّي البلايستيشن 4 يعاملها على انها ذاكرة داخلية وسط الجهاز.

الى الآن ما أعلنت نايكو عن تاريخ الاطلاق، لانها الى الآن ما حصلت على براءة الاختراع لهذي القطعة. التاريخ المتوقع للاطلاق بيكون في النصف الأول لعام 2015.

بالاضافة الى هذا، أعلنت نايكو عن لوحة مفاتيح تقدر تركبها على يد تحكم بلايستيشن 4، بحيث تصير تقدر تكتب بشكل أسرع، بدال ما تروح تشغل لوحة المفاتيح اللي في الجهاز:

nykotypepad

القطعة هذي برضه متوقّع انها بتنزل في المنتصف الأول لعام 2015، والى الآن نايكو ما أعلنت عن أسعار القطعتين.

وش رأيك في هالفكرتين، وهل تتوقع انك بتشتري شي منها؟

الوسوم
اظهر المزيد

محمد الشريف

كاتب ومدير تحرير موقع سعودي جيمر. أعشق ألعاب الفيديو من يومي صغير (ايه كلنا كذا)، أحب ألعاب التخفّي والرعب، وأعشق سلسلة Metal Gear ولعبة Silent Hill وICO.
إغلاق