لعبة باتلفيد هاردلاين (Battlefield Hardline) الجزء الجديد من سلسلة باتلفيلد راح يعتمد بشكل كبير جدا على الجنود نفسهم وماراح يكون موجود اي دبابات حربية او بحرية في اللعبة وقت اطلاقها، لكن هل راح نشوف هذي الدبابات في الاضافات؟
ستديو فيسرال (Visceral Games) المطور للعبة جاوب على اسئلة عشاق اللعبة في تويتر عن اذا كان من المنطقي وجود دبابات حربية قوية في اللعبة ام لا.
جاوب الاستديو على شخص اسمه في تويتر @MikaelCartwrite ان ماراح يكون في اي نوع من الدبابات في اللعبة. هذا الرد كان يوم 31 يناير.
بعدين الاستديو “رقع” الجلمة وقالوا ان هذا الشي مايعني ان للابد مافي دبابات.
جاوبوا على شخص اسمه في تويتر @darmbuster بأن في البداية ماراح يكون موجود اي نوع من الدبابات، لكن اذا كانت ملائمة لأي محتوى اضافي فممكن نضيفها.
هل تعتقدوا ان اللعبة ملائمة للدبابات؟ ولا تشوفوا ان اللعبة زي ماهي حاليا ممتازة وماتحتاج اضافات؟
