يزيد السويري
أعلنت الشركة العريقة ننتندو بالتعاون مع شركة ResMed الأمريكية عن بدء تطوير جهاز جديد لتحسين جودة حياة الانسان. الجهاز يستخدم حساسات ومعالجة سحابية عشان يراقب أسلوب حياة الناس. مثلا تقدر تحط الجهاز جمبك في الفراش وقت النوم وراح يراقب نومك طول الليل ( بديت اخاف صراحة ) ويساعدك تطور عادات نوم افضل وأكثر صحية. التقارير تقول أن الجهاز ممكن يكون متوفر للناس عن طريق إشتراك ومو سلعة مستقلة تشتريها مرة وحدة وخلاص.
التوقعات تقول أن ننتندو بتستخدم خبرتها في مجال الالعاب عشان تجيب هذه التقنية لشريحة أكبر من الناس وإحتمال يستخدم هالجهاز في مجال الالعاب زي إكسسوارة Wii Fit ولعبة Wii Sports.
علق رئيس ننتندو السيد ساتورو إيواتا وقال:
” حنا ما نبدأ شيء جديد عادة إلا إذا كنا نعتقد إننا نقدر نسوي سوق كبير في هذا المجال, لكن اليوم ما أقدر اشارككم عن خططنا في تسعير المنتج أو أي معلومات ثانية. إذا إستخدمنا خبرتنا في الالعاب في تحليل النوم والتعب, نقدر نسوي شيء ممتع “.
ما أعجبني بصراحة الإعلان أكره خرابيط الصحة إذا دخلوها في الألعاب أتمنى يكون شيء مستقل وما يصير جهازهم الجاي كله عن الصحة. وش رأيكم أعزائي بهذا الإعلان هل تشوفون توجه الشركة للقطاع الصحي شيء جيد أو لا؟ شاركونا ارائكم في التعليقات.
احمد خالد
بارعة
