أحمد قربان
بعد الانتهاء من معرض E3 قبل شهر، و بالاخص انتهاء مؤتمر نينتندو (Nintendo) في المعرض، بعض الناس ماعجبهم مؤتمر نينتندو وكانوا مستائين منه. ساتورو ايواتا (Satoru Iwata) رئيس شركة نينتندو و شيقرو مياموتو (Shigeru Miyamoto) احد مدراء الشركة ردوا على الناس المستائين.
وضح مياموتو ان هدفهم في المؤتمر الاخير كان التركيز على تقديم الاشياء اللي راح يكون اصدارها اقرب مايمكن و التركيز على الاشياء اللي راح تساعدهم في التجارة خلال الفترة القريبة.
قال مياموتو: “نحن اعلنا عن الالعاب اللي راح تصدر غالبا قبل نهاية العام الحالي، لكن للاسف كل الالعاب ظهرت كانها اعلانات صغيرة وغير مهمة، وبسبب اننا ما اعلنا عن العاب من طرف ثالث ظهرت العابنا كانها قليلة واعطت انطباع سيئ للاعبين وهو ان ماعندنا العاب قوية قادمة للمستقبل”
كمل ايضا مياموتو وقال :”بالنسبة للالعاب المستقبلية، محم فقط اعلنا عن الالعاب اللي راح تصدر في بداية العام القادم، نحن نعترف بانتقاد الناس والعشاق وهو اننا خيبنا ظنهم وماقدرنا نحمسهم باشياء جديدة”
كمل ايضا مياموتو و وضح ان الناس اللي زارو البوث (booth) تبع نينتندو في معرض E3 كانوا مبسوطين ومقدرين الاشياء الموجودة، وكانوا فرحانين انهم راح ينتظروا اشهر فقط لشراء الالعاب الموجودة في البوث وماراح ينتظروا سنين لشرائها الالعاب من السوق مثل باقي الشركات المنافس.
قال مياموتو: “كان عندي انطباع عام عن البوث تبع الشركات المنافسة انهم قدموا وعرضوا العاب ماراح تنزل خلال هذي السنة لكن راح تنزل السنة القادمة او السنة بعد القادمة، ولهذا السبب اغلب الاشياء اللي قدموها الشركات المنافسة كانت موجودة ظاهريا فقط وماتقدر تلعب فيها كنسخة تجريبية”
ايضا قال مياموتو: “في المعرض كان موجود عدد من الاعلانات عن اجهزة الواقع الافتراضي اللي مانقدر نلعب فيها مع ناس اخرين في نفس الوقت، ايضا متوقع بشكل عام ان هذي الاجهزة راح تشتغل بانظمة وتقنية واداء عالي و لتحقيق هذا الشيء التطوير غالبا راح ياخذ سنتين الى ثلاث سنين”
وقال ايواتا ايضا عن المؤتمر: “نحن نعرف اننا احبطنا بعض عشاق نينتندو خصوصا الناس المتعطشين جدا للالعاب الجديدة، لكن من الجهة الثانية معرض E3 موجود خصيصا لاهب امريكا، و احنا كان هدفنا تقديم تقنية حديثة في المعرض مع الاخذ في الاعتبار بانطباعات الناس وارائهم خارج امريكا، اغلب تفكيرنا كان حول زيادة تجارتنا في امريكا قدر المستطاع خلال هذي السنة”
ايضا احد المسؤولين في نينتندو فرع امريكا اعترف بان ردة فعل الناس حول اللعبة الجديدة القادمة لجهاز Nintendo 3DS كان سلبي وغير جذاب.
كلام جميل من نينتندو وننتظر اعلانات اكبر عن العابهم المستقبلية و خططهم. اتفق معاهم من ناحية تقديم العاب لهذي السنة فقط او الفترة القريبة واتمنى كل الشركات تمشي بنفس النهج في المعارض الكبرى.
احمد خالد
بارعة
