بعد المشاكل والتخبطات اللي واجهتها ننتندو مع جهاز الوي يو يبدو إنها بدت ترجع أرباحها من أربع سنوات بحسب آخر تقرير للأرباح واللي وصلت إلى 86.1 مليون دولار من الأرباح التشغيلية من شهر يوليو إلى نهاية شهر سبتمبر هالسنة. ما زالت الشركة تطمح إلى مجموع 370 مليون دولار من الارباح السنوية.
نذكر ان مبيعات جهاز الوي يو وصلت 7.4 مليون جهاز أخيرا بعد سنتين من إصداره واللي ما زال يعتبر رقم ضعيف مقارنة بجهاز البلايستيشن4 اللي باع 10 ملايين جهاز في أقل من سنة من نزول الجهاز. لكن في سوق الأجهزة المحمولة نشوف تفوق ساحق لمحمول ننتندو3DS بمبيعات وصلت 45 مليون مقارنة بأداء الفيتا المسكين اللي باع حوالي 9 مليون جهاز بس.
مدري أشوف الرقم اللي يطمحون له ننتندو مرة كبير بس شكلهم مأملين كثير في لعبة سوبر سماش برذرز على الوي يو. بالله يا شباب كم واحد عنده الوي يو وهل في أحد ناوي يشتريه قريب؟ شاركونا حساباتكم في Nintendo Network في التعليقات. ( ترقيم عيني عينك يا لد 🙂 )
